د ویلو ده چې چینايي اتباع د پاکستان په وروسته پاتې بلوچستان ایالت کې چیرې چې چین ستراتیژیک بندر او د کانونو استخراج په غاړه لري وخت نا وخته د ترهګریزو بریدونو لاندې راځي. په بلوچستان کې بیلتونکې غوښتونکې ډلې چین د پاکستان سره په مرسته کولو تورنوي.
په چین کې د پاکستان سفیر خلیل هاشمي د چین په هینان ولایت کې د بواو فورم په څنډه کې خبریالانو ته وویل چې دا د پاکستان "ملي مسؤلیت" دی چې په خپل هیواد کې د چینايي اتباعو محافظت وکړي. هیواد به يي پدې برخه کې د ټولو ممکنه لارو څخه کار واخلي".
هغه وویل: "زه فکر کوم چې زموږ دواړه هیوادونه د معلوماتو شریکولو، د معیاري عملیاتي پروسیجرونو د پراختیا په برخه کې ډیر نږدې کار کوي ترڅو ډاډ ترلاسه شي چې په پاکستان کې کار کونکي چینایي اتباع خوندي دي.
"موږ خپل چینایي ملګري د هغو ګامونو په اړه خبر ساتو چې موږ یې اخلو، نو دا کار روان دی."
پاکستان بیا هند په بلوچستان کې د بیلتون غوښتونکو یاغي ډلو نه په ملاتړ تورنوي او په افغانستان بیا دې ترهګرو ته د پناه ورکولو تور لګوي. دواړه هېوادونه دا ادعاوې ردوي. خو د بلوچ آزادۍ پوځ (BLA) د نورو بریدونو ژمنه کوي. په حقیقت کې څه پیښیږي
بیجینګ پر پاکستان فشار راوړی پدې هیواد کې د زرګونو تنو چینایي کارګرانو امنیت خوندي کړي. چین پدې وروستیو کې په پاکستان کې پر چینايي وګړو د بریدونو په اړه اندیښمن او مایوسه دی.
دا فشار د تیر اکتوبر په میاشت کې د کراچۍ په هوايي ډګر کې د یوې چاودنې وروسته راغی چې دوه چینایي انجنیران پکې ووژل شول.
هاشمي وویل چې دا خبرې اترې روانې دي، د دواړو هېوادونو ترمنځ د لوړې کچې باور سره.
هغه وویل: "دا یو پیچلی امنیتي چاپیریال دی، موږ د حل کولو، د دې ترهګریزو ځواکونو سره د مقابلې او مبارزې او ماتې ورکولو وړتیا لرو."
