اسرائیلي قاتلو ځواکونو په تیرو ۲۴ ساعتونو کې تر ۹۰ تنو ډیر فلسطینیان وژلي دي.
د فلسطیني رسنیو په وینا، په تیرو ۲۴ ساعتونو کې د محاصرې لاندې په غزه کې د اسرائیلو د بریدونو په نتیجه کې لږترلږه ۹۰ تنه فلسطینیانو ژوند د لاسه ورکړی ، چې ماشومان او نوي زیږیدلي ماشومان هم پکې شامل دي.
هوایي بریدونو د بې ځایه شویو کډوالو خیمې، کورونه او د امریکا د مرستو د ویش ځایونو ته نږدې د ملکي وګړو ګڼه ګوڼه په نښه کړې. د بله پلوه تل ابیب ویلي دي چې د حماس پر ډلې د فشارونو د زیاتولو په خاطر ممکن بریدونه زیات کړي .
د وژل شویو کسانو په منځ کې څلور کسان په البوریج کمپ کې د بې ځایه شویو کورنیو د پناه اخیستو په یوه ښوونځي او نور په جبالیا، صبرا، ابو حسیره سړک او الزرقا کې ووژل شول.
په تفه، زیتون او الکرامه کې نورو بریدونو هم ملکي وګړي وژلي دي، چې ډیری ماشومان او یوه ماشومه نجلۍ هم پکې شامله وه. د غزې ښار په ګڼ میشتو سیمو د اسرائیلو بمبارۍ دوام لري.
