د ایران په لاریونونو کې د وژل شویو کسانو شمېر ۴۰۰۰ تنو ته واوښته

د ایران په لاریونونو کې د وژل شویو کسانو شمېر ۴۰۰۰ ته رسیدلی دی

ایراني چارواکي امریکا او اسرائیل تورنوي چې د "وسله والو بلواګرو" ملاتړ کوي، چې د دوی په وینا په ټول هېواد کې یې په عامه ځایونو کې ګڼ بریدونه کړي دي.

په امریکا کې میشت د بشري حقونو یوې ډلې د دوشنبې په ورځ وویل، چې په ایران کې د لاریونونو له امله د وژل شویو کسانو شمېر ۴،۰۲۹ ته لوړ شوی دی.

د دغه سازمان لخوا د راټولو شویو معلوماتو له مخې، په ټول هېواد کې د لاریونونو په ۲۳مه ورځ ټولټال ۲۶،۰۱۵ کسان نیول شوي دي.

د راپور له مخې، د لاریونونو پر مهال لږ تر لږه ۵،۸۱۱ کسان سخت ټپیان شوي دي.

ایران له تېرې میاشتې راهیسې د لاریونونو له څپو سره مخ دی، چې د ډسمبر په ۲۸مه د تهران له لوی بازار څخه د ایراني ریال د ارزښت د شدید کمښت او د اقتصادي شرایطو د خرابیدو له امله پیل شول.

وروسته لاریونونه څو نورو ښارونو ته هم وغځېدل.

چارواکو امریکا او اسرائیل تورن کړي چې د هغو کسانو ملاتړ کوي چې دوی یې "وسله وال بلواګر" بولي، چې په ټول هېواد کې یې په عامه ځایونو کې ګڼ بریدونه کړي دي.

د امریکا ولسمشر ډونالډ ټرمپ په وار وار ګواښ کړی و چې که لاریون کوونکي ووژل شي "سخت ګوزار" به ورکړي، خو وروسته یې د سلګونو ټاکل شویو اعدامونو د لغوه کولو له امله د تهران ستاینه وکړه.