پاپ لیو په خپل لومړني بهرني سفر کې تورکیې او لبنان ته ځي
پاپ لیو ټاکل شوې چې د خپل لومړني بهرني سفر په ترڅ کې ترکیې او لبنان ته ولاړ شي
واتیکان نیوز اعلان کړی چې پاپ لیو څوارلسم به راتلونکې میاشت په خپل لومړني بهرني سفر کې لومړی ترکیې او بیا لبنان ته ولاړ شي.
د واتیکان رسمي خبري پورټل ویلي: "د واتیکان د مطبوعاتي دفتر مشر، ماتیو بروني، اعلان کړی چې پاپ لیو به د روان کال د نومبر په وروستیو او د ډسمبر په لومړیو کې تورکیې او لبنان ته سفر وکړي."
دا سفرونه د پاپ په توګه له ټاکل کېدو وروسته له ایټالیا بهر د هغه د لومړني سفر برخه ده.
لیو به د نومبر له ۲۷مې تر ۳۰مې په تورکیه کې او بیا به د ډسمبر تر دویمې نېټې پورې په لبنان کې وي.
