پاکستان د خیبرپښتونخوا په ایالت کې پر پوځیانو خونړی برید شوی دی.
د پاکستان پوځي مقاماتو د فرانس پرس خبري اژانس ته ویلي دي چې نن د سهار په ساعتونو په خیبرپښتونخوا ایالت کې د پاکستاني ځواکونو د ګزمې پر موټر خونړی برید شوی دی.
ویل کیږي د پوځیانو د ګزمې پر موټر د سړک د دواړو خواوو نه د ترهګرو لخوا برید شوی دی چې له امله يي لږ تر لږه ۱۲ نتو پوځیانو ژوند د لاسه ورکړی او ګنشمیر نور ټپیان شوي دي.
د ټپیانو نه هم د بعضو روغتیايي حالت ښه ندی او کیدای شي چې د مړو شمیره لوړه شي.
د ویلو ده چې د پاکستان پوځ تیره ورځ هم په خیبرپښتونخوا ایالت کې د ترهګرو پر خلاف د روانو عملیاتو په لړ کې د ۷ تنو سرتیرو د وژل کیدو او ۱۳ تنو نورو د ټپي کیدو نه خبر ورکړی وو.
ویل کیږي د نن ورځې برید پدې وروستیو کې پر پاکستاني ځواکونو ترسره شوی تر ټولو خونړی برید دی.
د برید مسئولیت پاکستاني طالبانو په غاړه اخیستی دی.
دا برید افغانستان پولې ته نږدې شوی دی.
