نړۍ
2 د لوستلو دقیقې
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د هالنډ «NRC» ورځپاڼې د یوې څېړنې له مخې چې د پنجشنبې په ورځ خپره شوه، د هالنډ د وسلو جوړونې شرکت «ډیسټینوس» (Destinus) کارکوونکو له اوکرایني ځواکونو سره په روسیه کې پر هدفونو د بریدګرو بې‌پیلوټه الوتکو په توغولو او روسي ډرونو په شنډولو کې مرسته کړې
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې / AP (Wire)

ویل کېږي چې د دغه شرکت کارکوونکو په اوکراین کې د ډرون سیسټمونو پر ازمایښت میاشتې تېرې کړې دي، چې پکې د روسیې د «شاهد» بریدګرو ډرونونو د ویشتلو هڅې هم شاملې وې.

د نړیوالو قوانینو کارپوهانو یادې ورځپاڼې ته ویلي، چې دا راپور شوي فعالیتونه کېدای شي په جګړه کې د مستقیم ګډون په معنا وي، چې دا چاره په دې شخړه کې د شرکت د پرسونل د رول په اړه قانوني پوښتنې راپورته کوي.

د هالنډ وزارت او شرکت بېلابېل دریځونه لري

 د هالنډ د دفاع وزارت ویلي چې «د وسله‌والې شخړې د یوه لوري پر وړاندې د وسلو د سیسټم کارول په جګړه کې مستقیم ګډون ګڼل کېږي.»

خو د ډیسټینوس شرکت د پوځي عملیاتو ترسره کول رد کړي او ټینګار یې کړی چې کارکوونکو یې یوازې «تخنیکي ملاتړ» چمتو کړی دی.

په څېړنه کې دا هم راغلي چې د شرکت کارکوونکو په ۲۰۲۳ کال کې هغه بریدګر ډرونونه ازمایلي وو چې په روسیه کې د هدفونو د په نښه کولو لپاره جوړ شوي وو. د راپور له مخې، یو ډرون د روسیې هوايي حریم ته هم ننوتی و، خو وروستی برخلیک یې لا روښانه نه دی.

د NRC ورځپاڼې د معلوماتو له مخې، هالنډ د ډیسټینوس د دفاعي ډرونونو د صادراتو اسناد برابر کړي او د سلګونو میلیونو یورو په ارزښت یې فرمایشونه ورکړي دي.

د هالنډ حکومت له ځانه د اوکراین د دفاع له حق څخه ملاتړ کوي د هالنډ د بهرنیو چارو وزیر ټام بیرینډسن ویلي چې اوکراین حق لري د هالنډ په جوړو شویو وسلو له ځانه دفاع وکړي، په دې شرط چې دا وسلې د نړیوالو قوانینو سره سمې وکارول شي.

دا څېړنه وروسته له هغه خپرېږي چې ډیسټینوس شرکت اعلان وکړ چې د دوی توغندي او ډرونونه د روانې اونۍ په پیل کې د کریمیا پر پل د اوکراین په برید کې کارول شوي وو.

وپلټۍ
متحده عربي اماراتو ملي تېلو شرکت«اډنوک» اعلان وکړ چې یوه بېړۍ یې په هرمز تنګي کې تر برید لاندې راغلی
د حوثیانو له خوا توغول شوی یو کروز توغندی د ریاض په سیمه کې له منځه یوړل شو
د روسیې په کېمېروو سیمه کې د یوې پوځي ترانسپورتي الوتکې د لوېدو له امله ۱۹ تنو ژوند د لاسه ورکړی دی.
د ایران پوځ په کویټ کې د امریکا په هوايي اډه کې د پېټریوټ دفاعي سیسټمونو د ویشتو ادعا وکړه.
امریکا د ایران پر قیشم ټاپو ګڼ شمېر بریدونه کړي دي.
د مهمو خبرونو غورچاڼ
ټرمپ: د روسیې او اوکراین جګړه حل ته «ډېره نږدې» شوې ده
په ټوله اروپا کې د امریکا سفارتونو  خپلو اتباعو ته د احتمالي امنیتي ګواښونو په اړه خبرداری ورکړ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي