لیبیايي نوماند حاجي ته په الوتکه کې اجازه ورنکړل شوه ، الوتکه ۲ ځلې خرابه شوه.
د عامر المنصور قذافي په نامه د لیبیا د هیواد وګړي چې غوښتل يي په وروستۍ الوتکه کې د هغو ګڼ شمېر حاجيانو سره يو ځای سعودي عربستان ته د حج لپاره سفر وکړي خو په الوتکه کې ورته د سپریدو اجازه ورنکړ شوه.
د ویلو ده چې د لیبیا د سبها نړيوال هوايي ډګر د مهاجرت کارکوونکو هغه ودرولو. دا چې د هغه تخلص قذافي وو او د پخواني پرزول شوي ولسمشر معمر الذافي له تخلص سره یو شان وو په سیستم کې هغه ته د هیواد نه د وتو اجازه نه وه . د هوايي ډګر مسئولینو هغه ودرو او هغه ته يي په الوتکه کې د سپریدو اجازه ورنکړه.
هغه ډیره زیاته هڅه او زارۍ وکړې خو غوښتنه يي رد شوه.
پداسې حال کې چې د هغه د کورنۍ غړو او د هوايي ډګر کارکوونکو هغه ته بیرته د ستنیدو او کور ته د تلو مشوره ورکوله خو هغه هلته په میدان کې پاتې شو.
قذافي وويل: "تر هغه به له میدان ونه وځي تر څو حج ته لاړ نشي "
د قسمت مداخله
ویل کیږي الوتکه د سعودي عربستان پر لورې د الوتنې نه لږ وروسته د تخنیکي ستونزې له امله بیرته هوايي ډګر ته راستنه شوه.
الوتکه د تخنيکي ستونزې له امله، چې ایرکنډیشن سيستم کې رامنځته شوې وه، اړ شوه چې بېرته هوايي ډګر ته راستنه شي.
د ځايي رسنیو په وینا کله چې الوتکه ښکته شوه، د هوايي شرکت کارکوونکو هڅه وکړه چې قذافي ته په الوتکه کې د سپرېدو اجازه ورکړي، د دې لپاره يې له پيلوټ څخه وغوښتل چې دروازه خلاصه کړي.
خو پيلوټ د لوژستيکي ستونزو له امله، چې انجنونه لا هم چالان وو، دا غوښتنه رد کړه.
خو په يو ناڅاپي توګه ، الوتکه د دويمې تخنيکي ستونزې سره مخ شوه چې بيا يې د بيړنۍ راستنېدو اړتيا پيدا کړه.
د دې وروسته، د الوتنې کپتان اعلان وکړ:
“زه قسم خورم چې پرته له عامر څخه به بيا الوتنه ونه کړم،”
د نورو مسافرو د خوشحالۍ او چکچکو په منځ کې، هغه ته په پای کې د الوتکې سپرېدو اجازه ورکړل شوه، چې دا شېبه په ويډيو کې ثبت شوه او په ټولنيزو رسنيو کې پراخه توګه ولیدل شوې.
عامر وروسته په ځايي رسنيو کې وويل: “ما يوازې غوښتل چې حج ته لاړ شم.
او ما باور درلود که دا زما لپاره ليکل شوی وي، هېڅ ځواک به يې مخه ونه نيسي.”
هر کال، زرګونه مسلمانان د حج سفر ترسره کوي.
حج د مسلمانانو لپاره يو فرضي عبادت دی چې بايد لږ تر لږه يو ځل په خپل ژوند کې ترسره شي، که دوی د دې سفر لپاره بدني او مالي وړتيا ولري.
مسلمانان باور لري چې دا مقدس سفر د الله له خوا د غوره شويو کسانو لپاره يو بلنه ده.
