د امنیتي سرچینو د معلوماتو له مخې، ابراهیم قالن کابل ته د خپل سفر په ترڅ کې له خپل افغان سیال، د استخباراتو د عمومي ریاست له رئیس ملا عبدالحق وثیق سره وکتل.
د تورکیې د استخباراتو رئیس قالن د افغانستان د سرپرست حکومت له اقتصادي مرستیال ملا عبدالغني برادر، د دفاع له سرپرست وزیر مولوي محمد یعقوب مجاهد او د کورنیو چارو له سرپرست وزیر سراج الدین حقاني سره هم وکتل او خبرې اترې یې ورسره وکړې.
په دغو کتنو کې د تورکیې او افغانستان ترمنځ د امنیت او استخباراتو په برخه کې د همکاریو د ژورولو لپاره د ممکنه ګامونو او د دوه اړخیزو اړیکو پر بېلابېلو ابعادو بحث او ارزونه وشوه.
په ناستو او لیدنو کې د امریکا/اسرائیل-ایران جګړې په ګډون پر سیمه ییزو او نړیوالو پرمختګونو خبرې وشوې او دغه راز تروریزم، د انسانانو قاچاق او د مخدره توکو پر ضد د مبارزې مسایل هم وڅېړل شول.
