د نړۍ مشرانو د امریکا لخوا د ایران پر وړاندې په بریدونو کې د ګډون کولو په مختلف غبرګون ښودلی دی.
د نړۍ د مشرانو وروسته له هغې چې امریکا ادعا وکړه چې په ایران کې یې درې اټومي ځایونه په نښه کړي جلا جلا غبرګونونه ښودلي دي. اسرائیلو د ولسمشر ډونالډ ټرمپ پرېکړه وستایله، ملګرو ملتونو د کړکېچ کمولو غوښتنه وکړه، او ځینو هېوادونو بیا دا بریدونه وغندل
د نړۍ مشرانو د امریکا لخوا د ایران پر وړاندې په بریدونو کې د ګډون کولو په مختلف غبرګون ښودلی دی.
د نړۍ د مشرانو وروسته له هغې چې امریکا ادعا وکړه چې په ایران کې یې درې اټومي ځایونه په نښه کړي جلا جلا غبرګونونه ښودلي دي. اسرائیلو د ولسمشر ډونالډ ټرمپ پرېکړه وستایله، ملګرو ملتونو د کړکېچ کمولو غوښتنه وکړه، او ځینو هېوادونو بیا دا بریدونه وغندل.
د ملګرو ملتونو عمومي منشي انتونیو ګوتریش:
زه د متحده ایالتونو لخوا د ایران پر وړاندې د ځواک د کارونې په اړه ژوره اندېښنه لرم. دا په یوه سیمه کې چې لا دمخه په کړکېچ کې ده، یو خطرناک پرمختګ دی – او د نړیوالې سولې او امنیت لپاره مستقیم ګواښ دی.
د دې شخړې د ژر کنټرول څخه د وتلو خطر په زیاتېدو دی – چې د ملکي وګړو، سیمې او نړۍ لپاره به ویجاړونکي پایلې ولري. زه د غړو هېوادونو څخه غوښتنه کوم چې کړکېچ کم کړي او د ملګرو ملتونو د منشور او نورو نړیوالو قوانینو لاندې خپلې ژمنې پوره کړي. په دې خطرناک وخت کې، د ګډوډۍ د کړۍ مخنیوی اړین دی. پوځي حل لاره نشته. یوازینۍ لار د ډیپلوماسۍ ده. یوازینۍ هیله سوله ده.
د اسرائیلو لومړی وزیر بنیامین نتنیاهو:
مبارک دې وي، ولسمشر ټرمپ. ستاسو زړوره پرېکړه چې د متحده ایالتونو د ځواکمن او عادل ځواک په مرسته د ایران اټومي تاسیسات په نښه شول، تاریخ به بدل کړۍ. په تاریخ کې به ثبت شي چې ولسمشر ټرمپ د نړۍ تر ټولو خطرناک رژیم ته د نړۍ تر ټولو خطرناک وسلو د ترلاسه کولو مخه ونیوله.
د وینزویلا د بهرنیو چارو وزیر ایوان ګیل:
وینزویلا د ایران پر وړاندې د متحده ایالتونو پوځي برید غندي او د جګړې د سمدستي بندېدو غوښتنه کوي.
د وینزویلا بولیواري جمهوریت په کلکه او په بشپړ ډول د امریکا د پوځ لخوا د بمبارۍ غندنه کوي، چې د اسرائیلو د غوښتنې په اساس د ایران اسلامي جمهوریت د اټومي تاسیساتو، په ځانګړې توګه د فردو، نطنز او اصفهان کمپلکسونو په وړاندې ترسره شوې.
د مکسیکو د بهرنیو چارو وزارت:
وزارت په منځني ختیځ کې د ښکېلو خواوو ترمنځ د سولې لپاره د ډیپلوماټیکو خبرو اترو عاجله غوښتنه کوي.
د بهرني سیاست د اساسي اصولو او زموږ د هېواد د سولې غوښتونکي دریځ سره سم، موږ یو ځل بیا په سیمه کې د کړکېچ د کمولو غوښتنه کوو. د سیمې د دولتونو ترمنځ د سوله ییزې همغږۍ بیا رغونه تر ټولو لوړ لومړیتوب دی.
د کیوبا ولسمشر میګل دیاز کانل:
موږ د ایران د اټومي تاسیساتو د بمبارۍ په اړه د امریکا برید په کلکه غندو، چې په منځني ختیځ کې د کړکېچ خطرناک پرمختګ دی.
دغه برید د ملګرو ملتونو د منشور او نړیوالو قوانینو جدي سرغړونه ده او بشریت د نه جبرانېدونکو پایلو سره مخ کوي.
دا لړۍ به تازه کېږي، ځکه چې د نورو غبرګونونو تمه کېږي.