تورکیې د خپل پوځ د لا پیاوړي کولو په برخه کې یو بل مهم ګام اوچت کړ.
جرمني د اوږدې مودې ځنډ وروسته د یورو فایټر ټایفون الوتکې پر تورکیې پلور ته منظوري ورکړه. د ویلو ده جرمني د یوې مهمې دفاعي صادراتي معاملې پر وړاندې ستر خنډ لرې کړ.
جرمني د اوږدې مودې ځنډ وروسته د یورو فایټر ټایفون الوتکې پر تورکیې پلور ته منظوري ورکړه. د ویلو ده جرمني د یوې مهمې دفاعي صادراتي معاملې پر وړاندې ستر خنډ لرې کړ.
د جرمني د حکومت ویاند، سټیفن کورنیلیوس، د چهارشنبې په ورځ په برلین کې یوې خبري غونډې ته وویل: "د دفاع وزارت د تورکیې حکومت ته یوه لیکلې تاییدیه استولې چې د صادراتو منظوري پکې تایید شوې ده."
دا منظوري یوازې څو ساعته وروسته له هغې ورکړل شوه چې د تورکیې د دفاع وزیر یاشار ګولر او د بریتانیا د دفاع وزیر جان هیلي په استانبول کې د تفاهم یو یادښت لاسلیک کړ، چې د انقرې لپاره د ۴۰ یورو فایټر ټایفون الوتکو د ترلاسه کولو پلان کې یو مهم پرمختګ ګڼل کېږي.
دغه تړون د ۱۷م نړیوال دفاعي صنعت نندارتون (IDEF) په څنډه کې چې په استانبول کې جوړ شوی دی لاسلیک شو . د بریتانیا د دفاع وزارت له خوا په خپور شوي بیان کې راغلي دي چې دا به د ناټو دواړو متحدینو ته د څو میلیارد ډالري صادراتي معاملې د بشپړولو لپاره "یو مهم ګام" وي.
سټارمر د تړون ستاینه وکړه
د بریتانیا لومړي وزیر کییر سټارمر د دې اقدام هرکلی وکړ او ویې ویل: "دا تړون به زموږ د مهم دفاعي صنعت ملاتړ وکړي، زموږ د بدلون پلان به پوره کړي او په دې ناڅرګندو وختونو کې موږ او زموږ متحدین به خوندي وساتي."
دغه تفاهم لیک نه یوازې د تورکیې لپاره د پرمختللو الوتکو د ترلاسه کولو امکان وړاندې کوي چې په ګډه د بریتانیا، جرمني، ایټالیا او هسپانیا لخوا تولیدېږي بلکې د ناټو د ګډې دفاعي دریځ او صنعتي دفاعي همکار هم پیاوړي کوي.
د بریتانیا د دفاع وزیر هیلي زیاته کړه چې دا پلور به "په بریتانیا کې زرګونه دندې خوندي کړي" او له انقرې سره به ستراتیژیکې دفاعي اړیکې ژورې کړي.
د بریتانیا د حکومت په وینا، دا به د ۲۰۱۷ کال راهیسې د لندن لخوا د یورو فایټر لومړنی صادراتي تړون وي.
د شکونو پای
په ورته وخت کې، د جرمني منظوري به د دې معاملې په اړه خنډ او اوږد ځنډ پای ته ورسوه، چې په عمده توګه د برلین لخوا ځنډول شوې وه.
اوس چې د یورو فایټر ټولو څلورو شریکو هېوادونو د پلور ملاتړ کړی، د سپارلو د شرایطو په اړه رسمي خبرې اترې تمه کېږي چې په راتلونکو اونیو کې ګړندۍ شي.
دا اقدام د بریتانیا او تورکیې ترمنځ په ستراتیژیک او صنعتي لحاظ د اړیکو د نوي پړاو نښه ده، ځکه چې دواړه هېوادونه د ناټو دننه او له هغې بهر اړیکې پیاوړې کوي.