عراقچي په دغې کتنه کې د هرمز تنګي د پرانیستلو لپاره د ایران شرایط امريکې ته وړاندې کړل.
د ایران دولتي تلویزیون تایید کړه چې د د ایران بهرنیو چارو وزیر عباس عراقچي د ملګرو ملتونو په عمومي اسامبله کې د ګډون په موخه په نیویارک کې د خپل شتون پر مهال د ترامپ له سلاکارانو ویتکوف او کوشنر سره خبرې اترې کړې دي.
په دې غونډه کې، چې ویل کېږي «د امریکايي لوري په ټینګار» ترسره شوې، عراقچي د هرمز تنګي د بېرته پرانیستلو لپاره د تهران اډانه او ځانګړي شرایط واشنګټن ته وسپارل.
د ایران لخوا په وړاندې شوو شرایطو کې د امریکا لخوا د لګول شوي سمندري حصار او بندیز سمدستي لرې کول، د ایران د ټولو کنګل شوو شتمنیو خلاصول، او د «مقاومت جبهې» په ټولو سیمو او ساحو کې د جګړې سمدستي پای ته رسول شامل دي.
په نیویارک کې دا غونډه د تهران او واشنګټن ترمنځ په جون میاشت کې په پاکستان کې تر لاسلیک شوي توافق وروسته د نویو رامنځته شوو نښتو له پیله راهیسې لومړنۍ لوړپوړې او مخامخ لیدنه ګڼل کېږي.
د امریکا ولسمشر ډونالډ ترامپ مخکې ویلي وو چې امریکايي چارواکو په نیویارک کې د ایران له پلاوي سره کابو درې ساعته خبرې کړې دي او زیاته یې کړه چې دغه لیدنه «خورا ښه ترسره شوه».
