'سیستماتیک نسل وژنه': د تورکیې د عامه اړیکو مشر د اسرائيلو اشغال او د فلسطینیانو وژنه وغندله

برهان الدین دوران په غزه کې د اسرائيلو د نسل وژنې د دوو کلونو د بشپړیدو له امله نړیوالې ټولنې ته د عدالت د سقوط او د بشري بحران د ژورېدو په اړه خبرداری ورکړ.

د تورکیې د عامه اړیکو رئیس برهان‌الدین دوران د سې ‌شنبې په ورځ د غزې په اړه د اسرائيلو کړنې د سیستماتیک نسل‌ وژنې او اشغال په توګه وغندلې، چې د بریدونو دوه کاله يي بشپړ شول . د ویلو ده چې پدې بریدونو کې له ۶۷،۰۰۰ څخه ډېر کسان وژل شوي دي.

د تورکیې د ټولنیزې شبکې ائن سوسيال (NSosyal) په یوه پوسټ کې دوران وویل چې وضعیت "یوازې د فلسطینیانو غم نه دی، بلکې د شرم یو ریکارډ دی چې نړیوال نظم، د قانون واک، او بنسټیز انساني ارزښتونه تر پوښتنې لاندې راولي. د نړیوالې ټولنې چوپتیا یو ځل بیا د عدالت د میکانیزمونو ناکامي ښکاره کړې ده."

دوران وویل چې د سې ‌شنبې ورځ د ۲۰۲۳ کال د اکتوبر ۷مې نیټې دوه کاله پوره کېږي، هغه ورځ چې اسرائيلو پر غزه بریدونه پیل کړل، کوم چې هغه د نسل وژنې د دوامداره کمپاین یوه برخه وبلله.

هغه زیاته کړه: "بمبارۍ، محاصرې او سیستماتیکه ویجاړۍ د لسګونو زره ملکیانو ژوند اخیستی، په دې کې ښځې او ماشومان هم شامل دي. د نړۍ د سترګو په مخ کې، یو قوم له خپلې ځمکې او تر ټولو بنسټیزو حقونو بې برخې شوی. هغه څه چې په غزه کې پېښیږي، یوازې 'شخړه' نه ده — دا قصدي، سیستماتیک نسل‌ وژنه او اشغال دی."

هغه ټینګار وکړ چې تورکیه په پرله‌پسې توګه د دغو کړنو پر وړاندې غږ پورته کړی او د مظلومانو ترڅنګ ولاړ ده.

دوران وویل: "د ولسمشر رجب طیب اردوغان په مشرۍ، موږ په دواړو دیپلوماتیکو او بشري برخو کې دغه دریځ ساتو. دا مبارزه به تر هغه دوام وکړي چې د فلسطینیانو غږ واورېدلی شي او عدالت پلی شي."

دوران یوه ویډیو هم شریکه کړه چې عنوان یې "نه ختمیدونکی نسل‌ وژنه: غزه" دی، او په سیمه کې روان بشري بحران ته اشاره کوي.