نړۍ
3 د لوستلو دقیقې
د امریکا په براون پوهنتون کې د ډزو په پېښه کې دوه کسان وژل شوي او اته نور سخت ټپیان دي
چارواکو ویلي، چې د شنبې په ماسپښین یوه وسله وال بریدګر د امریکا په نامتو براون پوهنتون کې دوه کسان ووژل او اته نور یې سخت ټپیان کړل. چارواکو د سیمې له خلکو غوښتي چې په خپلو کورونو کې پاتې شي ځکه بریدګر لا هم تښتېدلی دی.
د امریکا په براون پوهنتون کې د ډزو په پېښه کې دوه کسان وژل شوي او اته نور سخت ټپیان دي
د امریکا په براون پوهنتون کې د ډزو په پېښه کې دوه کسان وژل شوي او اته نور سخت ټپیان دي / AP

د امریکا په براون پوهنتون کې د ډزو په پېښه کې دوه کسان وژل شوي او اته نور سخت ټپیان دي
د پراویډنس، روډ ایلنډ ښاروال، بریټ سمایلي وایي: "زه تاییدولی شم چې نن ماسپښین دوه کسه وژل شوي، او اته نور په نازک خو باثباته روغتیايي وضعیت کې دي."

چارواکو ویلي، چې د شنبې په ماسپښین یوه وسله وال بریدګر د امریکا په نامتو براون پوهنتون کې دوه کسان ووژل او اته نور یې سخت ټپیان کړل. چارواکو د سیمې له خلکو غوښتي چې په خپلو کورونو کې پاتې شي ځکه بریدګر لا هم تښتېدلی دی.

د پراویډنس، روډ ایلنډ ښاروال، بریټ سمایلي یوې خبري غونډې ته وویل: "زه تاییدولی شم چې د نن ماسپښین پدې پیښه کې دوه کسه وژل شوي، او اته نور ټپیان شوي چې په نازک خو باثباته روغتیايي وضعیت کې دي."

دا ډزې د ایوي لیګ پوهنتون په انګړ کې د "باروس او هالي" په نوم ودانۍ کې شوې، چې د انجینرۍ او فزیک پوهنځي په کې موقعیت لري.

پوهنتون ویلي، چې د ډزو پر مهال په دې ودانۍ کې د ګڼو ازموینو اخیستلو پلان و.

پولیسو بریدګر یو سړی یاد کړی چې ټول تور کالي یې اغوستي وو.

د پولیسو مرستیال مشر، ټیموتي اوهارا وویل: "موږ د دې شکمن کس د موندلو لپاره له ټولو ممکنه سرچینو کار اخلو. په خوندي ځایونو کې د پاتې کیدو امر لا هم پر خپل ځای دی، او زه له خلکو غواړم چې دا ډېر جدي ونیسي. مهرباني وکړئ دې سیمې ته مه راځئ."

چارواکو ویلي، بریدګر وروستی ځل له ودانۍ څخه د وتلو پر مهال لیدل شوی او هېڅ وسله نه ده موندل شوې.

په خبرتیا کې ویل شوي وو: "ورونه وتړئ، موبایلونه مو غلي کړئ او تر بلې خبرتیا پورې پټ پاتې شئ."

پولیسو او لومړني مرستندویان په ګڼ شمېر کې سیمې ته ورسېدل، او سیمه ییزې رسنۍ WPRI راپور ورکړی چې پر پله لار جامې او وینې لیدل شوي دي.

د FBI مشر، کاش پټېل، پر 'اېکس' ټولنیزه شبکه ولیکل چې FBI "ټولې اړینې وړتیاوې" برابروي.

د الکولو، تنباکو، اورلګېدونکو توکو او چاودېدونکو توکو د ادارې (ATF) استازي هم سیمې ته رسېدلي دي.

یوې زده کړیالې، کیټي سن، د براون ډیلي هیرالډ په نوم د پوهنتون ورځپاڼې ته وویل چې هغه نږدې ودانۍ کې مطالعه کوله چې د ډزو غږ یې واورېد. نوموړې خپل ټول سامانونه پرېښودل او خپلې لیلیې ته وتښتېده.

هغې وویل: "رښتیا هم ډېره وېروونکې وه. داسې ښکارېده چې ډزې له هغه ځایه کېږي... چېرته چې ټولګي دي."

د امریکا ولسمشر ډونالډ ټرمپ ته هم د پېښې په اړه معلومات ورکړل شوي دي.

هغه وویل: "دا څومره یوه ناوړه پېښه ده. موږ اوس یوازې دا کولی شو چې د قربانیانو لپاره دعا وکړو."

د براون پوهنتون د بوسټن ښار ته نږدې په پراویډنس کې موقعیت لري او شاوخوا ۱۱،۰۰۰ زده کړیالان لري.

دا ډزې په امریکا کې پر ښوونځیو د بریدونو په اوږده لړۍ کې وروستۍ پېښه ده، چېرته چې وسلو ته د اسانه لاسرسي محدودولو هڅې له سیاسي ځنډ سره مخ دي.

 

وپلټۍ
د امریکا د کانګرس یو لوړپوړی هئیت به په تورکیه کې د اقلیم په اړه د کوپ ۳۱ په غونډه کې ګډون وکړي
د جرمني یو پیژندل شوی سیاستوال او د یو سیاسي ګوند مشر د هوټل په کوټه کې مړ وموندل شو
منځمهاله ټاکنو کې له سختې ماتې وروسته هیګسېټ د ایران د جګړې پر سر د جمهوري غوښتونکو غصه پارولې
وینس د ۲۰۲۸ کال د ولسمشرۍ ټاکنو له پیل وړاندې د خپلې سیاسي اډې د پراخولو په لټه کې دی
ټرمپ د هغه د استیضاح په اړه هر ډول  ګواښ رد کړ او ډیموکراتانو ته یې د هغې د تعقیبولو په اړه خبرداری
ایران د امریکا په منځمهاله ټاکنو کې د ټرمپ له ماتې وروسته د «ټرمپیزم د زوال» ادعا وکړه
امریکا یوې فدرالي محکمې د سه شنبې په ورځ افغانستان ته د لسګونو افغان کډوالو د شړلو د ځنډولو حکم وکړ
تورکیه د  COP31 کنفرانس په غونډه کې د کاربن کمولو لپاره د لوی پلیټ فارم پرانستلو ته چمتو ده
۸ تنو مسلمانانو د امریکا کانګرس ته لار پیدا کړه
په امریکا کې ډیموکراټانو د استازو جرګې او سنا دواړو ټاکنې وګټلې
چین د چین ، روسیې او امریکا د ولسمشرانو د احتمالي سرمشریزې په اړه د اړیکو نیول تایید کړل.
السعید د امریکا سنا ته د لومړي مسلمان په توګه وټاکل شو
ټرمپ په منځمهاله ټاکنو کې د جمهوري غوښتونکو ماتې د ایران له جګړې او د سون توکو له لوړو بیو سره وتړله
د اسرائیلو د اپوزیسیون مشر د امریکا له منځمهاله ټاکنو وروسته له نتنیاهو سره د ګډ حکومت جوړول رد کړل
ډیموکراتانو په منځمهاله ټاکنو کې د کانګرس د دواړو مجلسونو واک ترلاسه کړ .