د د ۲۰۲۵ کال د اکتوبر له اوربند راهیسې د اسرائیلو په پرلپسې بریدونو کې ۱۳۹۹ کسان وژل شوي او ۴ زره و ۸۶۳ کسان ټپیان شوي دي.
که څه هم رسمآ اوربند نافذ دی، خو د غزې پر بېلابېلو سیمو د اسرائیلي پوځ د دوامداره بریدونو له امله په تېرو ۲۴ ساعتونو کې ۵ تنو نورو هم خپل ژوند له لاسه ورکړی دی.
په غزه کې د روغتیا وزارت لخوا په خپره شوې خبرپاڼه کې د ۲۰۲۳ کال له اکتوبر راهیسې پر دغې سیمې د اسرائیلو په بریدونو کې د اوښتې مرګژوبلې تازه شمېرې له رسنیو سره شریکې شوې.
په خبرپاڼه کې ویل شوي چې په تېرو ۲۴ ساعتونو کې د ۵ وژل شویو کسانو جسدونه او ۲۵ ټپیان روغتونونو ته لېږدول شوي دي.
په سیمه کې د ۲۰۲۵ کال د اکتوبر له ۱۰مې نېټې راهیسې د اوربند له رسمي ټینګښت څخه تر دې دمه د اسرائیلو په ځوابي او تعرضي بریدونو کې ۱۳۹۹ کسان وژل شوي او ۴ زره و ۸۶۳ نور ټپیان شوي دي.
د ۲۰۲۳ کال له اکتوبر میاشتې څخه بیا تر اوسه پر غزه د اسرائیلو د بریدونو له امله د وژل شویو کسانو ټول شمېر ۷۳ زره و ۹۱۹ او د ټپیانو شمېر ۱۷۴ زره و ۹۷۷ تنو ته رسېدلی دی
همدارنګه راپورونه زیاتوي چې د غزې تړانګې تر ویجاړیو او کنډوالو لاندې لا هم د زرګونو کسانو مړي پاتې دي.
