د انګلستان لومړی وزیر سټارمر د کابینې بیړنۍ غونډه جوړوي.

د برتانیا لومړی وزیر کییر سټارمر به روانه اونۍ د کابینې بیړنۍ غونډه راوبولي ترڅو په غزه کې د اسرائیلو د نسل وژنې او د  محاصرې له امله د مخ په زیاتیدونکي کړکیچ په اړه بحث وکړي.
دا غونډه چې د پارلمان د اوړي له رخصتۍ سره سره ترسره کېږي، په داسې حال کې کېږي چې حکومت د فلسطیني دولت په رسمیت پېژندلو لپاره له زیاتېدونکي فشار سره مخ دی.
سټارمر به په سکاټلینډ کې د امریکا له ولسمشر ډونالډ ټرمپ سره هم وګوري او تمه کیږي چې پدې لیدنه کې له امریکا څخه د اسرائیل پر خلاف  د لا سخت دریځ د غوره کولو غوښتنه وکړي.

ملګري ملتونه: په غزه کې  د  هرو دریو فلسطینیانو څخه  یو له څو ورځو راهیسې ډوډۍ نه ده خوړلې.

د ملګرو ملتونو لوړپوړي بشري چارواکي په غزه کې د بشري ناورین د چټکتیا خبرداری ورکړی دی.
د ملګروملتونو د بشردوستانه چارو او د بیړنیو مرستو همغږي کوونکي ټام فلیچر، وویل چې په هرو دریو کسانو کې یو یې د ورځو راهیسې ډوډۍ نده خوړلی او ماشومان د خوراکي توکو د سخت کمښت له امله ژوند دلاسه ورکړی دی.
هغه وویل، سره له دې چې اسرائیل د یوې اونۍ لپاره د مرستې د کچې لوړولو پریکړه کړې، د قحطۍ د مخنیوي لپاره لوی مقدار مرستو ته اړتیا ده.

سوریه به د سپټمبر په میاشت کې د بشارالاسد نه وروسته لومړنۍ پارلماني ټاکنې ترسره کړي

سوریه پلان لري چې د سپټمبر د ۱۵ او ۲۰ نیټو ترمنځ خپل لومړني پارلماني ټاکنې د نوي مشرتابه لاندې ترسره کړي.
د هیواد د ټاکنو عالي کمیټې د سوریې د ټولنې له بیلابیلو سکتورونو سره د سلا مشورو وروسته د ولسمشر احمد الشرع سره لیدنه وکړه ترڅو هغه ته د موقتي ټاکنو قانون کې د مهمو تعدیلاتو په اړه معلومات ورکړي.
الشرع د سوریې په ټولو ولایتونو کې د انتخاباتو د ترسره کیدو پر اهمیت ټینګار وکړ او د هیواد د  ویش هر ډول مفکوره یې رد کړه چې ټول سوریایان یې مخالفت کوي.

زیلینسکي د اروپايي اتحادیې له غوښتنې وروسته د فساد ضد ادارو ته د چټک اقدام اشاره وکړه

د اروپايي کمیسیون مشرې اروسولا وان دیر لاین له ولسمشر ولادیمیر زیلینسکي وغوښتل چې د اداري فساد پر وړاندې د مبارزې خپلواکه اداره وساتي.
"اوکرایین لا دمخه په اروپا کې په خپله لاره کې ډیر څه ترلاسه کړي دي ،" وان دیر لاین په X باندې په یوه پوسټ کې وویل ، "دا باید په دې قوي بنسټونو کې رامینځته کړي او د اداري فساد ضد خپلواکې ادارې وساتي ، کوم چې د اوکراین د قانون د حاکمیت بنسټونه دي".
په ورته وخت کې د اوکراین مشر اشاره وکړه چې د ملاتړ قانون به په څو ورځو کې تصویب شي.

د امریکا او اروپايي اتحادیې ترمنځ د 'سختو خبرو اترو' وروسته سوداګریز تړون لاسلیک شو

امریکا  او اروپایی ټولنې  یو سوداګریز تړون پر سر موافقې ته ورسیدل. پدې ډول  د میاشتو اوږده ناڅرګندتیا پای ته ورسیده. دا اعلان د امریکا  ولسمشر ډونالډ ټرمپ په سکاټلینډ کې د اروپایی کمیسیون مشرې اروسولا وان دیر لاین سره د لیدنې وروسته وکړ.
د امریکا ولسمشر وویل چې هغه فکر کوي چې دا تړون به د دواړو خواو لپاره "لوی" وي . د ویلو ده چې ددې تړون له مخې به پر اروپايي ټوکو ۱۵ سلنه ګمرکي تعرفې ولګول شي. د اروپایی کمیسیون مشرې هم د دې تړون ستاینه وکړه او ویې ویل چې دا یو "لوی تړون" دی.