یوې طبي سرچینې ویلي، په غزه کې یو فلسطیني ماشوم د سختې یخنۍ له امله مړ شوی، چې په دې سره د هغو ماشومانو شمېر چې د ژمي له سړو څخه مړه شوي نهو ته ورسېد.

د بلجیم لومړي وزیر بارټ ډی ویور په داووس کې ویلي، اروپا باید د امریکا ولسمشر ډونالډ ټرمپ ته روښانه کړي چې "بس دی بس".

د اوکراین په سویل ختیځ ښار زاپوریژیا باندې د روسیې بریدونو درې کسان وژلي، څو شخصي کورونه او موټرې یې ویجاړې کړي او شاوخوا ۱۵۰۰ کورنۍ یې له برېښنا بې برخې کړي دي.

د تورکیې ولسمشر رجب طیب اردوغان او د هغه امریکايي سیال ډونالډ ټرمپ د دوه اړخیزو اړیکو او سیمه ییزو او نړیوالو مسایلو په اړه ټیلیفوني خبرې وکړې.