د یونس امره انسټیټیوټ لخوا د هغو کسانو لپاره چې تورکي ژبه د بهرنۍ یا دویمې ژبې په توګه زده کوي، د هغوی د ژبې د کچې معلومولو په موخه د تورکي ژبې د مهارت ازموینې (TYS) د نوي پړاو نوملیکنه پیلیږي. دغه ازموینه چې د اروپا د ژبو د ازموینې اخیستونکو ټولنې (ALTE) لخوا تایید شوې د 'Q-mark' کیفیت نښان لري، د تورکي ژبې لومړنۍ او یوازینۍ ازموینه ده چې په نړیواله کچه یې اعتبار په رسمي ډول تایید شوی دی.

په دې ازموینه کې د ژبې څلور بنسټیز مهارتونه (لوستل، اورېدل، لیکل او خبرې کول) ارزول کیږي، چې په دریو ناستو کې ټولټال ۱۸۰ دقیقې وخت نیسي. هغه کاندیدان چې په ازموینه کې بریا بریالي شي، د B2 او C1 په کچو کې د تورکي ژبې د مهارت سند ترلاسه کولو وړتیا پیدا کوي. دا سند د تورکیې په پوهنتونونو کې د تورکي ژبې له چمتووالي ټولګیو څخه د معافیت لامل ګرځي او همدارنګه په اکاډمیکو چارو، کاري غوښتنلیکونو، ګرځندوی لارښودۍ او ژباړې په برخو کې مهمې ګټې لري.

دا ازموینه به په تورکیه او نورو هغو ټولو هیوادونو کې چې د یونس امره انسټیټیوټ پکې فعالیت لري، په یو وخت کې ترسره شي. د دې ازموینې لپاره د غوښتنلیکونو منل د ۲۰۲۶ کال د اګسټ له ۳مې څخه تر ۲۸مې نیټې پورې دي او خپله ازموینه به د ۲۰۲۶ کال د سپټمبر په ۲۷مه نیټه واخیستل شي. هغه کسان چې غواړي په ازموینه کې ګډون وکړي، کولی شي خپله نوملیکنه د www.sinav.yee.org.tr ادرس له لارې بشپړه کړي. د ازموینې د منځپانګې، لارښودونو او تفصیلي معلوماتو لپاره د www.tys.yee.org.tr رسمي ویبپاڼې ته مراجعه کولی شئ.