تورکیه
2 د لوستلو دقیقې
تورکیې او ایتوپیا د انرژۍ په برخه کې د همکاریو ګڼشمیر تړونونه لاسلیک کړل
د تورکیې د انرژۍ او طبیعي سرچینو وزیر، الپ ارسلان بیرقدار، د سې شنبې په ورځ وویل چې تورکیه غواړي له ایتوپیا سره د انرژۍ په سکتور کې د تجربو شریکول پیاوړي کړي، عملي پروژې تولید کړي او په بېلابېلو برخو کې شته همکارۍ ژورې کړي.
تورکیې او ایتوپیا د انرژۍ په برخه کې د همکاریو ګڼشمیر تړونونه لاسلیک کړل
اردوغان ایتوپیا / AA

د تورکیې د  انرژۍ وزیر وایي چې هدف یې د برښنا تولید، د شبکې زیربنا، د نوې کېدونکې انرژۍ پانګونه او د اوبو برښنا په پروژو کې د همکاریو زیاتول دي.

د تورکیې د انرژۍ او طبیعي سرچینو وزیر، الپ ارسلان بیرقدار، د سې شنبې په ورځ وویل چې تورکیه غواړي له ایتوپیا سره د انرژۍ په سکتور کې د تجربو شریکول پیاوړي کړي، عملي پروژې تولید کړي او په بېلابېلو برخو کې شته همکارۍ ژورې کړي.

د دواړو هېوادونو د انرژۍ وزارتونو ترمنځ د همکارۍ یو یادښت  د سې شنبې په ورځ په ادیس ابابا کې د ولسمشر رجب طیب اردوغان د رسمي سفر پر مهال، د بیرقدار او د ایتوپیا د اوبو او انرژۍ وزیر هبتامو ایتیفا لخوا لاسلیک شو.

د دغه تړون له مخې، دواړه هېوادونه به د برښنا، نوې کېدونکې انرژۍ او د انرژۍ د موثریت په برخو کې ګډې پروژې رامنځته کړي، او د اوبو برښنا د بندونو د تجهیزاتو او برښنایي توربینونو په جوړولو او نصبولو کې به همکاري وکړي.

همدارنګه، د انرژۍ د زیربناوو په پروژو کې، په ځانګړې توګه د برښنا تولید، لېږد او وېش په برخو کې به د دولتي او خصوصي سکتور د پانګونې ملاتړ وشي او د اړوندو بنسټونو ترمنځ به د معلوماتو او تجربو تبادله یقیني شي.

بیرقدار پر خپلې ټولنیزې پاڼې (NSosyal) لیکلي: "موږ هدف لرو چې د تجربو شریکول پیاوړي کړو او د برښنا له تولید څخه نیولې تر شبکې زیربنا پورې، او د نوې کېدونکې انرژۍ له پانګونې څخه نیولې د اوبو برښنا تر زیربنایي پروژو پورې په پراخه کچه عملي پروژې رامنځته کړو."

هغه زیاته کړه: "موږ د یوې هراړخیزې لارنقشې په اړه هوکړه کړې ترڅو خپله شته همکاري ژوره کړو او د انرژۍ، کانونو، پوهنې، روغتیا، ټرانسپورټ، کرنې، چاپیریال، ښار جوړونې، کلتور او ګرځندوی په څېر ډېرو برخو کې د ملګرتیا نوې ساحې عملي کړو."

وپلټۍ
د امریکا د کانګرس یو لوړپوړی هئیت به په تورکیه کې د اقلیم په اړه د کوپ ۳۱ په غونډه کې ګډون وکړي
د جرمني یو پیژندل شوی سیاستوال او د یو سیاسي ګوند مشر د هوټل په کوټه کې مړ وموندل شو
منځمهاله ټاکنو کې له سختې ماتې وروسته هیګسېټ د ایران د جګړې پر سر د جمهوري غوښتونکو غصه پارولې
وینس د ۲۰۲۸ کال د ولسمشرۍ ټاکنو له پیل وړاندې د خپلې سیاسي اډې د پراخولو په لټه کې دی
ټرمپ د هغه د استیضاح په اړه هر ډول  ګواښ رد کړ او ډیموکراتانو ته یې د هغې د تعقیبولو په اړه خبرداری
ایران د امریکا په منځمهاله ټاکنو کې د ټرمپ له ماتې وروسته د «ټرمپیزم د زوال» ادعا وکړه
امریکا یوې فدرالي محکمې د سه شنبې په ورځ افغانستان ته د لسګونو افغان کډوالو د شړلو د ځنډولو حکم وکړ
تورکیه د  COP31 کنفرانس په غونډه کې د کاربن کمولو لپاره د لوی پلیټ فارم پرانستلو ته چمتو ده
۸ تنو مسلمانانو د امریکا کانګرس ته لار پیدا کړه
په امریکا کې ډیموکراټانو د استازو جرګې او سنا دواړو ټاکنې وګټلې
چین د چین ، روسیې او امریکا د ولسمشرانو د احتمالي سرمشریزې په اړه د اړیکو نیول تایید کړل.
السعید د امریکا سنا ته د لومړي مسلمان په توګه وټاکل شو
ټرمپ په منځمهاله ټاکنو کې د جمهوري غوښتونکو ماتې د ایران له جګړې او د سون توکو له لوړو بیو سره وتړله
د اسرائیلو د اپوزیسیون مشر د امریکا له منځمهاله ټاکنو وروسته له نتنیاهو سره د ګډ حکومت جوړول رد کړل
ډیموکراتانو په منځمهاله ټاکنو کې د کانګرس د دواړو مجلسونو واک ترلاسه کړ .