د اروپايي کمېسیون یو تن ویاند، مارکوس لامرت، د دغې موضوع په اړه د خبریالانو پوښتنو ته ځوابونه ووایه. لامرت وویل چې دی نشي کولی بروکسل ته د افغانستان د کوم پلاوي د راتګ په اړه خبرونه تایید کړي، خو زیاته یې کړه چې د اروپايي ټولنې د کډوالۍ د وزیرانو په غوښتنه له افغانستان سره تخنیکي خبرې روانې دي. هغه وویل چې دا خبرې یوازې د هغو کسانو د بېرته لېږلو په اړه دي چې په اروپايي ټولنه کې د اوسېدو حق نه لري او امنیتي خطرونه پېښوي. لامرت دا هم یاده کړه چې د کډوالو د بېرته ستنولو وروستۍ پرېکړه د غړو هېوادونو خپله پرېکړه ده او دا پرېکړې باید د نړیوالو قوانینو په رڼا کې وشي.
په ورته وخت کې، د اروپايي ټولنې د بهرنیو اړیکو ویاند، انور ال انوني، څرګنده کړه چې د اروپايي ټولنې شورا په افغانستان کې له شته چارواکو سره د "عملي یا اوپراتیفي اړیکو" اجازه ورکړې ده.
ال انوني په دې اړه وویل: "ایا دا د اوسني حکومت د رسمیت پېژندنې په مانا ده؟ نه، په هیڅ صورت د رسمیت پېژندنې په مانا نه ده."
