د افغانستان په شمال کې زورورې زلزلې له امله د مړو شمیره ۲۷ کسان ته او د ټپیانو شمیره ۹۵۶ تنو ته لوړه شوه.
افغان چارواکو وویل د سې شنبې په ورځ د ژغورنې عملیات پای ته ورسیدل او د پاکارۍ عملیات پیل شوي دي . د ویلو ده چې زلزلې تر ټولو ډیر مزارشریف او سمنګان ولایتونو ته زیانونه اړولي دي.
د افغاني سرې میاشتې ټولنې په وینا، په دې زلزله کې تر ۱۰۰۰ ډېر کورونه ویجاړ شوي دي.
زلزله د یکشنبې په ورځ د شپې په نیمايي کې په شمالي ولایتونو لکه بلخ، سمنګان، سرپل، بغلان او کندز کې وشوه. د امریکا د جیولوژیکي سروې ادارې ویلي، چې د زلزلې مرکز د هېواد له سترو ښارونو څخه د مزارشریف په ۲۸ کیلومترۍ (۱۷.۴ مایله) ژوروالي کې و.
ډیری مرګ ژوبله په شمالي ولایتونو سمنګان او بلخ کې اوښتې ده. د افغاني سرې میاشتې ټولنې په وینا، زلزلې "درانه ځاني او مالي زیانونه" اړولي او ۱۰۳۷ کورونه یې زیانمن کړي دي.
د لټون او ژغورنې هڅې پای ته رسیدلي، په داسې حال کې چې د بیړنیو مرستو عملیات دوام لري.
د ولایتونو په تفکیک د مرګ ژوبلې شمیر
سمنګان: ۱۳ تنه مړه او ۴۱۸ ټپیان
بلخ: ۱۲ تنه مړه او ۴۳۵ ټپیان
بغلان: ۱ تن مړ او ۱۹ ټپیان
کندز: ۶۵ تنه ټپیان
جوزجان: ۳ تنه ټپیان
سرپل: ۱ تن مړ او ۱۶ ټپیان
د عامې روغتیا وزارت تایید کړې چې ټپیان په روغتونونو کې تر درملنې لاندې دي.
