ولادیمیر پوتین په دې لیدنه کې ولسمشر اردوغان ته وویل چې تورکیه په بهرني سیاست او اقتصادي برخو کې د روسیې یو له ځانګړو شریکانو څخه ده. هغه زیاته کړه: "ګډې پروژې یو په بل پسې پلې کېږي. له دې جملې څخه یوه هم د اق کویو اټومي برېښناکوټ پروژه ده. تاسو سږکال د دغه سټیشن د لومړۍ برخې د فعالولو هدف ټاکلی و؛ دا به خامخا همداسې وشي."
پوتین همداراز وویل چې له تورکیې سره په کلتوري او بشري برخو کې د همکارۍ لوړ ظرفیت شتون لري او زیاته یې کړه: "تورکیې ته د روسي سیلانیانو بهیر مخ په ډېرېدو دی. تېر کال نږدې ۷ میلیونه روسي سیلانیانو له تورکیې لیدنه کړې وه."
ولسمشر اردوغان هم په خپلو خبرو کې وویل: "د تورکیې او روسیې اړیکې نن سبا د بل هر وخت په پرتله په خورا لوړه کچه کې دي. په تورکیه کې د روسي سیلانیانو شتون خورا ځانګړی اهمیت لري. نن زموږ د انتالیا ولایت د ګرځندوی تر ټولو لویه شبکه له روسیې څخه راغلي دوستان جوړوي. د دې ترڅنګ، لکه څنګه چې ښاغلي ولسمشر یادونه وکړه، د اق کویو اټومي سټیشن د دواړو هېوادونو په اړیکو کې خورا مهم دی. موږ په کرنه او انرژۍ کې هم پیاوړې ګډه همکاري لرو."
