افغانستان
2 د لوستلو دقیقې
د افغانستان پلازمینه کابل او ختیځ ولایتونه یوې زورورې زلزلې ولړزول.
د امریکا د ځمک‌پوهنې سروې ادارې ویلي، چې دا زلزله د ریښتر په کچه ۵.۸ درجې وه او مرکز یې د کابل شمال ختیځ ته په شاوخوا ۱۳۰ کیلومترۍ واټن کې و.
د افغانستان پلازمینه کابل او ختیځ ولایتونه یوې زورورې زلزلې ولړزول.
افغانستان زلزله / Reuters

د فرانس پریس خبري اژانس خبریالانو په پلازمېنه کابل او ننګرهار ولایت کې ویلي، چې د جمعې په ورځ یوې زورورې زلزلې ختیځ افغانستان ولړزاوه.

د امریکا د ځمک‌پوهنې سروې ادارې ویلي، چې دا زلزله د ریښتر په کچه ۵.۸ درجې وه او مرکز یې د کابل شمال ختیځ ته په شاوخوا ۱۳۰ کیلومترۍ واټن کې و.

تر اوسه د مرګ ژوبلې او زیانونو په اړه سمدستي راپورونه نه دي ورکړل شوي.

د پلازمېنې په لوېدیځ کې د بامیان او وردګو ولایتونو اوسېدونکو هم فرانس پریس اژانس ته ویلي چې د زلزلې ټکانونه یې حس کړي دي.

په افغانستان کې زلزلې ډېرې کیږي، په ځانګړې توګه د هندوکش غرونو په لړۍ کې، هغه ځای ته نږدې چېرې چې د یوریشیا او هند د ځمکې جوړښتي تختې سره یو ځای کیږي.

د ۲۰۲۵ کال په اګست میاشت کې د هېواد په ختیځ کې یوې سطحي ۶.۰ درجې زلزلې د غره په لمنو کې پراته کلي له منځه وړي وو او تر ۲۲۰۰ ډېر کسان یې وژلي وو.

څو اونۍ وروسته، په شمالي افغانستان کې یوې ۶.۳ درجې زلزلې لږ تر لږه ۲۷ کسان ووژل.

په ۲۰۲۳ کال کې د ایران پولې ته نږدې په لوېدیځ هرات او په ۲۰۲۲ کال کې په ننګرهار ولایت کې زورورو زلزلو سلګونه کسان وژلي او زرګونه کورونه یې ویجاړ کړي وو.

په دغه اکثره کلیوالي هېواد کې، چې د لسیزو جګړو له امله ویجاړ شوی، ډېری کورونه په غیر معیاري ډول جوړ شوي دي.

په غرني افغانستان کې کمزورو مخابراتي شبکو او بنسټونو په تېر کې د ناورین پر وړاندې غبرګونونه له خنډ سره مخ کړي، چې له امله یې چارواکي د زیانونو د کچې ارزولو لپاره لرې پرتو کلیو ته ساعتونه او حتی ورځې نشي رسېدلی.

 

وپلټۍ
د امریکا د کانګرس یو لوړپوړی هئیت به په تورکیه کې د اقلیم په اړه د کوپ ۳۱ په غونډه کې ګډون وکړي
د جرمني یو پیژندل شوی سیاستوال او د یو سیاسي ګوند مشر د هوټل په کوټه کې مړ وموندل شو
منځمهاله ټاکنو کې له سختې ماتې وروسته هیګسېټ د ایران د جګړې پر سر د جمهوري غوښتونکو غصه پارولې
وینس د ۲۰۲۸ کال د ولسمشرۍ ټاکنو له پیل وړاندې د خپلې سیاسي اډې د پراخولو په لټه کې دی
ټرمپ د هغه د استیضاح په اړه هر ډول  ګواښ رد کړ او ډیموکراتانو ته یې د هغې د تعقیبولو په اړه خبرداری
ایران د امریکا په منځمهاله ټاکنو کې د ټرمپ له ماتې وروسته د «ټرمپیزم د زوال» ادعا وکړه
امریکا یوې فدرالي محکمې د سه شنبې په ورځ افغانستان ته د لسګونو افغان کډوالو د شړلو د ځنډولو حکم وکړ
تورکیه د  COP31 کنفرانس په غونډه کې د کاربن کمولو لپاره د لوی پلیټ فارم پرانستلو ته چمتو ده
۸ تنو مسلمانانو د امریکا کانګرس ته لار پیدا کړه
په امریکا کې ډیموکراټانو د استازو جرګې او سنا دواړو ټاکنې وګټلې
چین د چین ، روسیې او امریکا د ولسمشرانو د احتمالي سرمشریزې په اړه د اړیکو نیول تایید کړل.
السعید د امریکا سنا ته د لومړي مسلمان په توګه وټاکل شو
ټرمپ په منځمهاله ټاکنو کې د جمهوري غوښتونکو ماتې د ایران له جګړې او د سون توکو له لوړو بیو سره وتړله
د اسرائیلو د اپوزیسیون مشر د امریکا له منځمهاله ټاکنو وروسته له نتنیاهو سره د ګډ حکومت جوړول رد کړل
ډیموکراتانو په منځمهاله ټاکنو کې د کانګرس د دواړو مجلسونو واک ترلاسه کړ .