تورکیه
2 د لوستلو دقیقې
تورکیې د آزادۍ د کاروان په کښتۍ بریدونه په شدیدو الفاظو وغندل
تورکیې د جمعې په ورځ د آزادۍ کاروان ائتلاف پورې اړوند په  یوې ملکي کښتۍ  برید سخت غندنه وکړه. دغه کښتۍ د محاصره شوې غزې لپاره مرستې لیږدولې، په داسې حال کې چې د اسرائیلو لخوا د دوه میاشتو اوږدې محاصرې له امله د غزې خلک د لوږې له سخت حالت سره مخ دي.
تورکیې د آزادۍ د کاروان په کښتۍ بریدونه په شدیدو الفاظو وغندل
/ AA

انقرې وویل چې دا برید په نړیوالو اوبو کې د سمندري تګ راتګ او امنیت لپاره جدي ګواښ دی.

د مالټا ټایمز په خپلواکه توګه تایید کړې چې د اسرائیلو یوه الوتکه د مالټا هوایي حریم ته داخله شوې وه او نږدې درې ساعته یې هلته پاتې شوه، وروسته بېرته اسرائیلو ته ستنه شوه.

د الوتنې د تعقیب معلومات ښيي چې الوتکه د مالټا ټاپو په شاوخوا کې لنډ وخت پاتې شوه، بیا یې د هارډز بانک په ختیځ کې د ټیټې ارتفاع په شاوخوا ۵۰۰۰ فوټه کې یو لړ مانورونه ترسره کړل. په ټوله کې، الوتکه شاوخوا اووه ساعته په هوا کې وه مخکې له دې چې خپل اصلي ځای ته ستنه شي.

د غزې لپاره د بشري مرستو یوه کښتۍ چې ۱۶ کسان په کې سپاره وو، د ورځې په لومړیو کې د ډرون برید له امله زیانمنه شوه. د مالټا ځواکونو د کښتۍ سپرلۍ وژغورله.

آزادۍ کاروان ائتلاف په یوه مطبوعاتي اعلامیه کې وویل د ډرون برید کښتۍ برقي سیستم زیانمند کړ او  د ډوبېدو له جدي خطر سره مخ کړه.

په اعلامیه کې راغلي: "د شپې په دوو بجو  تایید شوه چې په کښتۍ کې ټول کسان خوندي دي، خو ټولو د کښتۍ پرېښودو څخه انکار وکړ." دغه راز، زیاته شوې چې وضعیت د سهار په درې بجو او ۴۵ دقیقو کنټرول لاندې راوستل شو.

دغه کښتۍ چې "وجدان" نومېږي، لا هم په نړیوالو اوبو کې ده او چارواکي یې څارنه کوي.

که څه هم تر اوسه چا د برید مسؤلیت نه دی منلی، د آزادۍ کاروان ائتلاف په یوه بیان کې اسرائیل تورن کړی دی.

په بیان کې د کینټ پوهنتون ډاکټر شهد حموري له قوله ویل شوي: "اسرائیل حاضر دی چې د بشري مرستو کښتۍ بمبار کړي ترڅو د جګړې د یوې وسیلې په توګه د فلسطیني خلکو د لوږې پالیسۍ ته دوام ورکړي."

د فلسطین لپاره د ملګرو ملتونو ځانګړې راپور ورکوونکې فرانچسکا البانیز په ایکس (پخواني ټویټر) کې ویلي چې هغې د آزادۍ کاروان له کښتۍ څخه د خطر زنګ ترلاسه کړی دی.

هغې زیاته کړه: "زه له اړوندو دولتي چارواکو، په ځانګړې توګه د سمندري چارو له ادارو څخه غوښتنه کوم چې د کښتۍ او د هغې د عملې ملاتړ وکړي."

هغې وویل: "زه باور لرم چې اړوند چارواکي به حقایق معلوم کړي او په مناسبه توګه مداخله وکړي."

 

وپلټۍ
د امریکا د کانګرس یو لوړپوړی هئیت به په تورکیه کې د اقلیم په اړه د کوپ ۳۱ په غونډه کې ګډون وکړي
د جرمني یو پیژندل شوی سیاستوال او د یو سیاسي ګوند مشر د هوټل په کوټه کې مړ وموندل شو
منځمهاله ټاکنو کې له سختې ماتې وروسته هیګسېټ د ایران د جګړې پر سر د جمهوري غوښتونکو غصه پارولې
وینس د ۲۰۲۸ کال د ولسمشرۍ ټاکنو له پیل وړاندې د خپلې سیاسي اډې د پراخولو په لټه کې دی
ټرمپ د هغه د استیضاح په اړه هر ډول  ګواښ رد کړ او ډیموکراتانو ته یې د هغې د تعقیبولو په اړه خبرداری
ایران د امریکا په منځمهاله ټاکنو کې د ټرمپ له ماتې وروسته د «ټرمپیزم د زوال» ادعا وکړه
امریکا یوې فدرالي محکمې د سه شنبې په ورځ افغانستان ته د لسګونو افغان کډوالو د شړلو د ځنډولو حکم وکړ
تورکیه د  COP31 کنفرانس په غونډه کې د کاربن کمولو لپاره د لوی پلیټ فارم پرانستلو ته چمتو ده
۸ تنو مسلمانانو د امریکا کانګرس ته لار پیدا کړه
په امریکا کې ډیموکراټانو د استازو جرګې او سنا دواړو ټاکنې وګټلې
چین د چین ، روسیې او امریکا د ولسمشرانو د احتمالي سرمشریزې په اړه د اړیکو نیول تایید کړل.
السعید د امریکا سنا ته د لومړي مسلمان په توګه وټاکل شو
ټرمپ په منځمهاله ټاکنو کې د جمهوري غوښتونکو ماتې د ایران له جګړې او د سون توکو له لوړو بیو سره وتړله
د اسرائیلو د اپوزیسیون مشر د امریکا له منځمهاله ټاکنو وروسته له نتنیاهو سره د ګډ حکومت جوړول رد کړل
ډیموکراتانو په منځمهاله ټاکنو کې د کانګرس د دواړو مجلسونو واک ترلاسه کړ .