د دفاعي صنایعو ۱۷م نړیوال نندارتون، IDEF" ۲۰۲۵" پیل شو.
دغه نړۍوال نندارتون چې د تورکیې د ملي دفاع وزارت په کوربه توب، د دفاعي صنایعو د ریاست په ملاتړ، د تورکیې د وسله والو ځواکونو صنایعو د پراختیا د بنسټ د مدیریت او مسؤلیت لاندې، او د KFA نندارتونو د شرکت لخوا تنظیم شوی،IDEF ۲۰۲۵ نړۍوال نندارتون خپلې دروازې د لیدونکو پر مخ پرانیستې.
د ویلو ده چې دا نندارتون د استانبول د استانبول د نندارتون په مرکز کې پرانیستل شو.
د ویلو ده چې سږکال پدې نندارتون کې د ۳۳ هیوادونو څخه وزیران او د ۱۲۰ څخه ډیر هیوادونو څخه مرستیال وزیران او لوی درستیزانو په کچه میلمانه به ګډون وکړي.
د ۴۴ هیوادونو ګډونوال به پدې نړۍوال نندارون کې غرفې ولري، چیرې چې له ۴۰۰ څخه ډیر نړیوال شرکتونه به خپل محصولات نندارې ته وړاندې کړي. د نندارتون د ځمکنیو وسایطو برخه کې به اصلي جنګي ټانکونه، زغره وال جنګي وسایط، بریښنایی جنګي سیسټمونه، راکټونه او لارښود توغندي، تاکتیکي بالستیک توغندي، د هوایی دفاع توغندي، او پرته د چلوونکي ځمکني وسایط نندارې ته وړاندې شي.
د الوتکو برخه به د ثابت وزر پلیټ فارمونو، د هوایی دفاع سیسټمونو، بریښنایی جنګي ټیکنالوژۍ، سپوږمکۍ، بې پیلوټه هوايي وسایط، او د الوتکو انجنونو په څیر محصولات نندارې ته وړاندې کړي.
د نندارتون د سمندري وسایطو برخه به د جنګي او ملاتړ کښتۍ، ثابت او څرخي وزر پلیټ فارمونه، پرته د چلوونکي سطحي او د اوبو لاندې وسایط ، او قومانده، کنټرول، او مخابراتي سیسټمونه نندارې ته وړاندې کړي. په امنیت او لوژستیک کې ټیکنالوژي به هم په نندارتون کې نندارې ته وړاندې شي.
د ویلو ده چې دا نندارتون به سږ کال په څلورو مختلفو موقعیتونو کې فعالیت وکړي. استانبول د نندارتون مرکز، اتاترک هوایی ډګر، اتاکوی مرینا، او د WOW کانګرس مرکز، د اصلي ځای سربیره. وروستۍ دوه ورځې به د خلکو لپاره خلاصې وي.
