د ګرجستان اساسي قانون محکمې د ولسمشر سالومه زورابيشويلي هغه قضيه رد کړه چې پکې ېې د تېر اکتوبر میاشت کې ترسره شوي جنجالي پارلماني ټاکنو د پايلو د لغوه کولو غوښتنه کړې وه. د تېرې جمعې په ورځ اخستل شوې او د سه شنبې په ورځ د سترې محکمې په ويب پاڼه کې خپره شوې پرېکړه کې ويل شوي دي چې د زورابيشويلي له خوا وړاندې شوې قضيه به "د اساسي کتنې" لاندې رانه شي.
دغې محکمې همدارنګه د مخالفينو د ډلې له خوا د ديرشو پارلماني غړو بله قضيه هم رد کړې چې غوښتل ېې د ټاکنو پایلې لغوه اعلان شي. په کومو کې چې دګورجو رویاسې ګوند اکثريت ګټلی و. محکمې ویلي چې پرېکړه ېې وروستۍ ده او بیا کتنې ته ضرورت نه لري.
د لاریونونو دوام!
زورابيشويلي د نومبر په ۱۹مه اساسي قانون محکمې ته عريضه کړې او د اکتوبر د ۲۶مې ېې د ټاکنو د پايلو د لغوه کولو غوښتنه کړې. د ګورجو رویاسې ګوند د رايو ۵۳.۹۳ سلنه ترلاسه کړي او په ۱۵۰ څوکيز پارلمان کې يې ۸۹ څوکۍ خپلې کړي. د ګورجستان لمړي وزیر ښاغلي ایراکلي کوباخیدزي، د ګورجو رویاسې ګوند مشر ښاغلي بیدزینا ایوانیشویلي او د دغې ګوند نورو مخکښو څیرو ددغې ټاکنو د پايلو هرکلی کړی. خو بلخوا زورابيشويلي ویلي چې دا پايلې نه مني او ادعا يې کوي چې ټاکنې د روسیې په لاسوهنې سره تر سره شوي دي.
بلې خوا ټولو مخالفو ګوندونو دغه ټاکنې "غلا شوې" بللي او د حکومت پر ضد ېې لاريونونه ته دوام ورکړی و او د اروپايي اتحاديې د غړيتوب خبرې اترې وځنډول شوې. کوباخيدزه په دغه ټاکنو باندې لګیدلي تورونه رد کړي او ويلي ېې دي چې په ټاکنو کې هر ډول "بې نظمي" د نړۍ په نورو برخو کې د ټاکنو لپاره معمول دي. ولسمشر تر اوسه د محکمې د دغې پرېکړې په اړه څه نه دي ويلي.
