تورکیه
2 د لوستلو دقیقې
ناټو په تورکیه کې د ایټالیوي توغندیز دفاعي سیسټم د ځای پر ځای کولو سره د تورکیې هوایي ډال پیاوړی کوي
د تورکیې دفاع وزارت اعلان کړی چې ناټو غواړي د دغه هېواد په مرکزي ولایت قونیه کې د ایټالیا د SAMP-T توغندیز دفاعي سیسټم په ځای پر ځای کولو سره د تورکیې هوایي دفاعي دریځ پیاوړی کړي.
ناټو په تورکیه کې د ایټالیوي توغندیز دفاعي سیسټم د ځای پر ځای کولو سره د تورکیې هوایي ډال پیاوړی کوي
ناټو په تورکیه کې د ایټالیوي توغندیز دفاعي سیسټم د ځای پر ځای کولو سره د تورکیې هوایي ډال پیاوړی کوي

ایټالیا به د تورکیې په مرکزي برخه کې یو پرمختللی هوایي دفاعي سیسټم ځای پر ځای کړي، ځکه چې دا ټلواله (ناټو) د سیمه ییزو امنیتي ګواښونو له زیاتوالي سره سم خپله سویل ختیځه څنډه پیاوړې کوي.

د تورکیې دفاع وزارت اعلان کړی چې ناټو غواړي د دغه هېواد په مرکزي ولایت قونیه کې د ایټالیا د SAMP-T توغندیز دفاعي سیسټم په ځای پر ځای کولو سره د تورکیې هوایي دفاعي دریځ پیاوړی کړي.

وزارت د سې شنبې په ورځ وویل چې دا ګام د ناټو د دایمي دفاعي پلانونو په چوکاټ کې پورته کیږي او موخه یې د دې ټلوالې د ډله ییزو هوایي دفاعي وړتیاوو لوړول دي.

دا سیسټم چې د ایټالیا لخوا اداره کیږي، د قونیې په دریمه اصلي جیټ هوايي هډه   کې ځای به ځای شي، چې د تورکیې په مرکزي برخه  کې یو مهم پوځي مرکز دی.

د SAMP-T سیسټم چې په ګډه د فرانسې او ایټالیا لخوا جوړ شوی، له ځمکې څخه هوا ته د ویشتونکي توغندي یو ګرځنده سیسټم دی چې د جنګي الوتکو، ډرونونو، کروز توغندیو او ځینو بالستیک توغندیو په شمول د یو شمېر ګواښونو د مخنیوي لپاره ډیزاین شوی.

ناټو خپله سویل ختیځه څنډه پیاوړې کوي

ویل کیږي دا ګام   د روان کال په پیل کې په منځني ختیځ کې د جګړې له پیلېدو وروسته د سیمه ییزو ترینګلتیاوو د زیاتوالي په ترڅ کې پورته کیږي.

د راپورونو له مخې، د فبرورۍ میاشتې راهیسې په تورکیه کې د ناټو مېشتو ځواکونو په څلورو جلا مواردو کې له ایران څخه توغول شوي بالستیک توغندي شنډ کړي دي، چې دا د ناټو د سویل ختیځې پولې په اوږدو کې د مخ پر ودې امنیتي اندېښنو څرګندونه کوي.

دې ټلوالې لا دمخه د تورکیې په سویل کې د اینجرلیک  هوایي اډې ته د پیټریوټ (Patriot) توغندیو د یوې اضافي بیټرۍ په استولو سره په دغه هېواد کې خپل شتون پیاوړی کړی دی.

په اپریل میاشت کې انقرې ته د سفر پر مهال، مارک روټې ژمنه وکړه چې ناټو به د تورکیې په ګډون د خپلو ټولو غړو د دفاع لپاره "هر هغه څه چې اړین وي" ترسره کړي.

دا وروستی ځای پر ځای کول د ناټو د هغې سرمشریزې وړاندې ترسره کیږي چې ټاکل شوې د جولای په ۷مه او ۸مه د تورکیې په کوربه توب جوړه شي، او تمه ده چې سیمه ییز امنیت او ډله ییزه دفاع به د غونډې په اجنډا کې مهم ځای ولري.

 

وپلټۍ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي
یو عدلي طب کارپوه وايي چې د اپسټین مړینه تر ځان‌وژنې ډېره له وژنې (قتل) سره ورته والی لري
وینس وايي د ټرمپ اداره به اجازه ورنه کړي چې له ایران سره جګړه پر یوې بلې «نه ختمېدونکې جګړې» بدله شي
د مهمو خبرونو غورچاڼ
اردوغان د تورکیې په کوربه‌توب د COP31 سرمشریزه په تاریخ کې «تر ټولو بریالۍ» سرمشریزه وبلله.
ایران وايي چې هرمز تنګي ته نږدې یې د امریکا یوه پوځي بې‌ پیلوټه الوتکه نیولې ده
عراقچي وايي،د امریکا لخوا د ایران د شرطونو د منلو په صورت کې په دوو ورځو کې به هرمز تنګی پرانیزو.
په هرمز تنګي کې درې د تېلو لېږدوونکې بېړۍ له سمندري ماینونو سره جنګیدلي دي.
شیخه حسینه واجد وايي چې د اعدام د سزا له ګواښ سره سره به په ډسمبر کې بنګله دېش ته ستنه شي.