د عمومي اسامبلې د درېیمې کمېټې لخوا، چې د بشري حقونو او بشردوستانه چارو مسوولیت لري، وړاندې شوې دغه مسوده رایهګیرۍ ته وړاندې شوه.
په دې رایهګیرۍ کې ۱۶۲ هېوادونو د فلسطین د خلکو د خپلواکۍ او برخلیک ټاکلو حق ته «هو» رایه ورکړه، ۸ هېوادونو «نه» رایه وکاروله او ۸ نورو هېوادونو بیا ممتنع (بېطرفه) رایه ورکړه.
په موافقو هېوادونو کې د تورکیې په ګډون د اروپايي ټولنې ټول غړي هېوادونه، کاناډا، اسټرالیا او د جنوبي امریکا، اسیا او افریقا ډېری هېوادونه شامل دي. بلخوا امریکا، اسرائیل، ارجنټاین، پاراګوای، مایکرونیزیا، ناورو، پاپوا نیو ګیني او پالاو د دغه پرېکړهلیک پر ضد رایه ورکړه.
دغه پرېکړهلیک تاییدوي چې د اسرائیلو له اشغال څخه لرې په خپله خاوره کې د فلسطین د خلکو د ازاد ژوند کولو او خپلواکۍ حق د نه لېږد وړ دی. همداراز ټینګار کوي چې دا حق بېقید او شرطه، نه بېلېدونکی او له هر ډول معاملې او جوړجاړي څخه پورته دی.















