نړۍ
2 د لوستلو دقیقې
روسیه: ناتو غواړي زموږ له هېواد سره جګړه وکړي
روسیې د بهرنیو چارو وزارت ویاند ماریا زاخاروا وویل، چې ناټو له روسیې سره د جګړې غوښتنه لري او ویې ویل: "ناټو وحشیانه عمل کوي."
روسیه: ناتو غواړي زموږ له هېواد سره جګړه وکړي
د روسیې د بهرنیو چارو وزارت ویانده ماریا زاخارووا / TRT на русском
 

زاخارووا د پلازمېنې مسکو په اونیزه خبري غونډه کې د ځینو روانو مسایلو په اړه خبرې وکړې.

نوموړې د روسیې پر وړاندې د ناټو پر اقداماتو نیوکه وکړه او ویې ویل: «ناټو لیوني حرکتونه کوي. دا ښيي هغه کسان چې په ناټو کې ستراتیژي جوړوي، جګړې ته لېواله دي. روسیه د ناټو پر غړو هېوادونو د برید نیت نه لري. موږ غواړو له ګاونډیو او نورو ټولو هېوادونو سره په سوله کې ژوند وکړو.»

زاخارووا د اوکراین د کړکېچ د حل لپاره د خبرو اترو په بهیر کې د اروپايي هېوادونو د ګډون احتمال ته په اشارې سره وویل، د اروپایانو څرګندونې او کړنې ښيي چې دوی دې کار ته چمتو نه دي.

هغې د اروپا په استازیتوب په خبرو اترو کې د اروپايي اتحادیې د بهرنیو اړیکو او امنیتي پالیسۍ د عالي استازې کایا کالاس د ګډون د احتمال په اړه هم ټینګار وکړ چې دا به سوله‌ییز نوښتونه زیانمن کړي: «کالاس له دندې پیلولو راهیسې د روسیې ضد دریځ خپل کړی او زموږ له هېواد څخه غیرواقعي غوښتنې لري.»

ماریا زاخارووا دې ته په اشارې سره چې اروپايي اتحادیې پر روسیې د بندیزونو نوملړ پراخ کړی، وویل چې مسکو به دې پرېکړې ته ځواب ووايي.

نوموړې د استونیا هغه پرېکړه د «اوسپنیزې پردې» له دورې سره پرتله کړه، چې له مخې یې استونیا د روسیې د استخباراتو په امر پر خپل دفاعي شرکت د ورانکارۍ د هڅې په تور د ډسمبر له لومړۍ نېټې څخه له روسیې سره خپلې ټولې پولې تړي؛ زاخارووا وویل چې د دې پر وړاندې به سیاسي او ډیپلوماټیک ګامونه پورته کړي.

هغې د مولداویا هغو تورونو ته هم اشاره وکړه چې ګواکې روسیې د بې‌پیلوټه الوتکو (ډرون) په وسیله د دوی هوايي حریم نقض کړی دی، او ویې ویل چې په دې اړه روسیې ته هېڅ ډول شواهد نه دي وړاندې شوي.

زاخارووا څرګنده کړه چې د خپلې اټومي وړتیا د پراختیا په برخه کې د امریکا هڅې له نږدې څاري او ټینګار یې وکړ چې واشنګټن باید دا حقیقت په پام کې ونیسي چې روسیه هم اټومي وسلې لري.

وپلټۍ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.
ریال ماډریډ لوبډلې د تورکیې د ملي فوټبالر  اردا ګولر تړون تر ۲۰۳۲ کال پورې وغځاوه
په امریکا کې یو پاکستاني سوداګر د ایران سره د تړاو په تور په ۲۷ کاله بند محکوم شو
اسرائیلو په غزه کې د بې پیلوټه الوتکو په بریدونو کې د یوه ماشوم په ګډون شپږ فلسطینیان ووژل
په «کاپ ۳۱» سرمشریزه کې ۷۵ هېوادونه د تورکیې د نړیوال برېښنايي کولو نوښت نه ملاتړ وکړ.
۵ میلیونه څېرې: اسرائیل څنګه د امازون له مصنوعي ځیرکتیا څخه د فلسطینیانو د څارنې لپاره ګټه واخیسته؟