عمروف په ټولنیزو رسنیو کې په یوه پوسټ کې وویل: "موږ د کلیدي مسایلو په اړه خبرې وکړې، په ځانګړې توګه د انرژۍ سکتور."

عمروف چې د اوکراین د پلاوي مشري کوله ویلي دي ،  دا خبرې د امریکا د ولسمشر ډونلډ ټرمپ د ډیپلوماتیکو هڅو یوه برخه وه، چې د روسیې سره درې کلنې جګړې ته د پای ټکی کېږدي.

د امریکا ځانګړي استازي سټیو ویتکوف مخکې د سعودي عربستان د لوړو کچو خبرو په اړه خوشبیني څرګنده کړه چې د اوکراین جګړې ته د پای ټکی کېږدي او ویې ویل چې باور لري د روسیې ولسمشر ولادیمیر پوتین غواړي جګړه ختمه کړي.

ویټکوف د یکشنبې په ورځ فاکس نیوز ته وویل: "زه احساس کوم چې هغه سولې ته لیواله دی."

د امریکا یو پلاوی په سعودي عربستان کې د اوکراین چارواکو سره د اوکراین او روسیې ترمنځ د احتمالي جزوي اوربند په اړه خبرې کوي. د امریکا او روسیې چارواکو د دوشنبې په ورځ هم په ریاض کې خبرې وکړې.

ویټکوف وویل: "مونږ  د دوشنبې په ورځ په سعودي عربستان کې یو څه ریښتینی پرمختګ شاهدي وکړه، په ځانګړې توګه د دواړو هېوادونو د کښتیو ترمنځ د تور سمندر د اوربند په اړه. او له دې وروسته، به په طبیعي ډول د بشپړ اوربند په لور لاړ شو."

پوتین تېره اوونۍ موافقه وکړه چې د اوکراین د انرژۍ پر تاسیساتو بریدونه لنډمهاله ودروي، خو د ټرمپ هغه ۳۰ ورځنی اوربند یې ونه مانه چې هیله یې درلوده د دایمي سولې تړون لپاره لومړی ګام وي. اوکراین د ټرمپ ۳۰ ورځنی وړاندیز ومنه.