منځنی ختیځ
4 د لوستلو دقیقې
د اماراتو د ولسمشر سلاکار: د امریکا او ایران په هره هوکړه کې باید د هرمز تنګي امنیت تضمین شي
د متحده عربي اماراتو د ولسمشر ډیپلوماتیک سلاکار قرقاش د اونۍ په پای کې یوې خبري غونډې ته وویل چې د هرمز تنګی  چې د نړۍ د تېلو یو له تر ټولو مهمو رګونو څخه دی چې باید د یوې وسلې په توګه ونه کارول شي.
د اماراتو د ولسمشر سلاکار: د امریکا او ایران په هره هوکړه کې باید د هرمز تنګي امنیت تضمین شي
د اماراتو د ولسمشر سلاکار: د امریکا او ایران په هره هوکړه کې باید د هرمز تنګي امنیت تضمین شي / Reuters
 

انور قرقاش یادونه وکړه چې پر ایران د امریکا او اسرائیل د جګړې د زیاتېدو او د انرژۍ په اړه د نړیوالو اندېښنو په ترڅ کې، د هرمز تنګي له لارې د کښتیو د تګ راتګ ازادي د هر ډول سولې د هوکړې لپاره بنسټیزه اړتیا ده.

د متحده عربي اماراتو چارواکي انور قرقاش ویلي چې د امریکا او ایران ترمنځ د جګړې هر ډول حل لاره باید د هرمز تنګي له لارې د تګ راتګ تضمین وکړي.

هغه دغه راز خبرداری ورکړ چې که په یوه هوکړه کې د ایران اټومي پروګرام، توغندي او بې پیلوټه الوتکې مهار نه شي، نو دا به "یو ډېر خطرناک او بې ثباته منځني ختیځ" ته لاره هواره کړي.

د متحده عربي اماراتو د ولسمشر ډیپلوماتیک سلاکار قرقاش د اونۍ په پای کې یوې خبري غونډې ته وویل چې د هرمز تنګی  چې د نړۍ د تېلو یو له تر ټولو مهمو رګونو څخه دی چې باید د یوې وسلې په توګه ونه کارول شي. هغه ټینګار وکړ چې د دغه تنګي امنیت یوازې یوه سیمه ییزه مسله نه ده، بلکې یو نړیوال اقتصادي ضرورت دی.

قرقاش وویل: "د هرمز تنګی د هیڅ هېواد له خوا نشي یرغمل کېدای،" هغه زیاته کړه چې د دغه تنګي له لارې د بېړۍ چلولو ازادي "باید د هر ډول شخړې د حل یوه نه جلا کېدونکې برخه وي او په دې اړه باید روښانه هوکړه وشي."

قرقاش وویل چې متحده عربي امارات د جګړې پای غواړي، خو د داسې اوربند په اړه یې خبرداری ورکړ چې د بې ثباتۍ اصلي لاملونه په کې حل نه وي. هغه وویل: "موږ نه غواړو چې کړکېچ نور هم زیات شي، خو موږ داسې اوربند هم نه غواړو چې ځینې اصلي مسلې حل نه کړي... په ځانګړې توګه د ایران اټومي پروګرام، توغندي او بې پیلوټه الوتکې چې لا هم پر موږ او نورو هېوادونو راورېږي."

د امریکا ولسمشر ډونالډ ټرمپ ګواښ کړی و چې که تهران د ده تر ټاکلي وخت (سه شنبې) پورې هوکړه ونه کړي او د هرمز تنګی پرانی نه کړي، نو پر دغه هېواد به "جهنم" راولي. ټرمپ د یکشنبې په ورځ په خپله ټروټ سوشل (Truth Social) پاڼه کې په یوه پوسټ کې د ایران پر برېښناکوټونو او ترانسپورتي زیربناوو د نورو بریدونو ګواښ وکړ، چې منتقدین یې دا کار جنګي جنایت بولي.

امریکا او اسراییل له پنځو اونیو راهیسې پر ایران د توغندیو او هوايي بریدونو باران کړی ترڅو د دوی په وینا، د دغه هېواد د اټومي وسلو د پراختیا پروګرام له امله رامنځته شوی خطر له منځه یوسي. د فبرورۍ له ۲۸مې راهیسې په دغو بریدونو کې نږدې ۲۰۰۰ کسان وژل شوي چې ماشومان هم پکې شامل دي.

د تر ټولو بد حالت رامنځته کېدل

قرقاش وویل چې متحده عربي امارات چمتو دي چې د هرمز تنګي له لارې د بېړۍ چلولو د خوندیتوب لپاره د امریکا په مشرۍ له هر ډول نړیوالو هڅو سره ملګري شي. معمولاً د نړۍ د تېلو او مایع ګازو پنځمه برخه هره ورځ له دغه تنګي تېرېږي، خو د ایران ګواښونو د کښتیو تګ راتګ خورا کم کړی چې له امله یې د انرژۍ نړیوال بحران رامنځته شوی دی.

د سیمه ییزو چارواکو په وینا، متحده عربي امارات د خلیج د بل هر هېواد په پرتله د ایران د سختو بریدونو لاندې راغلي دي. قرقاش وویل چې د لسیزو راهیسې د متحده عربي اماراتو لپاره تر ټولو بد او ناشونی حالت د ایران بشپړ برید و — هغه حالت چې اوس په واقعیت بدل شوی دی. سره له دې هم، هغه وویل چې هېواد یې د فشار لاندې ښه مقابله کوي او خپله وړتیا یې ثابته کړې ده.

هغه زیاته کړه چې د ایران دا ستراتیژي ښايي د دې لامل شي چې د خلیج هېوادونه له واشنګټن سره خپل امنیتي تړاو نور هم ټینګ کړي، په سیمه کې د امریکا پوځي رول پیاوړی کړي او د اسراییل حضور پراخ کړي. هغه وویل چې امریکا به د متحده عربي اماراتو اصلي امنیتي شریک پاتې شي او ابوظبي به د سیمه ییزو ګواښونو په زیاتېدو سره دا اړیکې نورې هم پیاوړې کړي.

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
اسرائیلو په غزه کې د بې پیلوټه الوتکو په بریدونو کې د یوه ماشوم په ګډون شپږ فلسطینیان ووژل
۵ میلیونه څېرې: اسرائیل څنګه د امازون له مصنوعي ځیرکتیا څخه د فلسطینیانو د څارنې لپاره ګټه واخیسته؟
متحده عربي اماراتو ملي تېلو شرکت«اډنوک» اعلان وکړ چې یوه بېړۍ یې په هرمز تنګي کې تر برید لاندې راغلی
د حوثیانو له خوا توغول شوی یو کروز توغندی د ریاض په سیمه کې له منځه یوړل شو
د ایران پوځ په کویټ کې د امریکا په هوايي اډه کې د پېټریوټ دفاعي سیسټمونو د ویشتو ادعا وکړه.
امریکا د ایران پر قیشم ټاپو ګڼ شمېر بریدونه کړي دي.
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د عراق پارلماني پلټنو په «جرف الصخر» کې د تېلو د قاچاق شواهد افشا کړل
ایران وايي چې هرمز تنګي ته نږدې یې د امریکا یوه پوځي بې‌ پیلوټه الوتکه نیولې ده
عراقچي وايي،د امریکا لخوا د ایران د شرطونو د منلو په صورت کې په دوو ورځو کې به هرمز تنګی پرانیزو.
په هرمز تنګي کې درې د تېلو لېږدوونکې بېړۍ له سمندري ماینونو سره جنګیدلي دي.
د غزې روغتیايي چارواکي وايي، اسرائیلو په غزه کې په تازه بریدونو کې درې فلسطینیان وژلي دي
په غزه کې  د کنډوالو له منځه د راویستل شویو ۷۰ تنو فلسطینیانو جنازې خاورو ته وسپارل شوې
د سوریې پلازمېنه دمشق د موټر بم مرګونې چاودنې ولړزوله.
د مهمو خبرونو غورچاڼ