نړۍ
3 د لوستلو دقیقې
امریکا کې د MIT پوهنتون د استاد او براون پوهنتون له وژنو وروسته د ګرین کارت لاټري پروګرام وځنډول شو
د امریکا د ولسمشر ډونالډ ټرمپ ادارې د ګرین کارت لاټري پروګرام وځنډاوه. دا هغه پروګرام دی چې له لارې یې د براون پوهنتون او MIT (ایم آی ټي) په ډزو کې مشکوک کس متحده ایالاتو ته راغلی و.
امریکا کې د MIT پوهنتون د استاد او براون پوهنتون له وژنو وروسته د ګرین کارت لاټري پروګرام وځنډول شو
ګرین کارت / trt

په امریکا کې د MIT پوهنتون د استاد او براون پوهنتون له وژنو وروسته د ګرین کارت لاټري پروګرام وځنډول شو

د امریکا د  کورني امنیت وزیره کریسټي نوم وايي دا اقدام د ولسمشر ټرمپ په لارښوونه شوی دی.

د امریکا د ولسمشر ډونالډ ټرمپ ادارې د ګرین کارت لاټري پروګرام وځنډاوه. دا هغه پروګرام دی چې له لارې یې د براون پوهنتون او MIT (ایم آی ټي) په ډزو کې مشکوک کس متحده ایالاتو ته راغلی و.

د کورني امنیت وزیرې کریسټي نوم پر اېکس (X) په یو پوسټ کې وویل چې هغې د ټرمپ په لارښوونه د امریکا د تابعیت او کډوالۍ خدماتو ادارې (USCIS) ته امر کړی چې دا پروګرام ودروي.

هغې وویل: "دغه شریر شخص ته باید هېڅکله اجازه نه وای ورکړل شوې چې زموږ هېواد ته داخل شي." هغې زیاته کړه: "د ولسمشر ټرمپ په لارښوونه، زه سمدستي د امریکا د تابعیت او کډوالۍ خدماتو ادارې ته لارښوونه کوم چې د DV1 پروګرام وځنډوي ترڅو ډاډ ترلاسه شي چې نور امریکایان د دې ویجاړونکي پروګرام له امله زیانمن نه شي."

هغې په دې اړه د کړنلارې جزییات نه دي ورکړي چې دا ځنډ به څومره وخت دوام وکړي یا د کورني امنیت وزارت له کوم میکانیزم څخه کار اخلي.

په کال کې ۵۰،۰۰۰ ګرین کارتونه

د کریسټي نوم دا اعلان له پینځو ورځو لټون وروسته وشو چې په پایله کې یې چارواکي ۴۸ کلن پرتګالي تبعه، کلاډیو مینوایل نیوس-والینټي ته ورسېدل. چارواکي شک لري چې هغه د شنبې په ورځ په براون پوهنتون کې دوه محصلین وژلي او ۹ نور یې ټپیان کړي وو، او بیا یې دوه ورځې وروسته په بروکلین، میساچوسټس کې د MIT پوهنتون استاد نونو لوریرو وژلی و.

نیوس-والینټي د پنجشنبې په ورځ په نیو هیمپشایر کې په یو ګودام (storage unit) کې مړ وموندل شو، چې ورسره وسلې او د بریدونو اړوند شواهد هم ترلاسه شوي.

د تنوع ویزې (diversity visa) پروګرام هر کال د لاټري له لارې هغو خلکو ته تر ۵۰،۰۰۰ پورې ګرین کارتونه ورکوي چې په متحده ایالاتو کې د کمو کډوالو لرونکو هېوادونو اوسېدونکي وي، چې ډېری یې په افریقا کې دي.

نږدې ۲۰ میلیونو خلکو د ۲۰۲۵ کال د ویزو لاټري لپاره غوښتنلیکونه ورکړي وو، چې له هغې جملې څخه د مېرمنو او ماشومانو په ګډون له ۱۳۱،۰۰۰ څخه زیات کسان غوره شوي وو. له ګټلو وروسته، دا کسان باید متحده ایالاتو ته د ننوتلو لپاره سختې امنیتي پلټنې  تېرې کړي. سږ کال د پرتګال اتباعو یوازې ۳۸ ځایونه ګټلي وو.

د DV-1 پروګرام د امریکا د کانګرس لخوا رامنځته شوی، او په دې کې هر ډول دایمي بدلون یا لغوه کول د کانګرس لخوا قانوني اقدام ته اړتیا لري.

 

وپلټۍ
د تورکیې بهرنیو چارو وزیر فیدان خبرداری ورکړ چې سمندري دهلیزونه د جګړې په ډګرونو بدلېدای شي.
د ملګرو ملتونو د مشرۍ لپاره د تورکيې نوماند فریدون سینیرلي اوغلو  خپل پلان په ډاګه کړ
روسيې د کیف ترڅنګ د انرژۍ تاسیسات په نښه کړي او یو مهم پل یې زیانمن کړی
د خبرو اترو لسیزه: د ټي آر ټي (TRT) نړیوال فورم ۲۰۲۶ په استانبول کې پیل شو
ابراهیم قالن :  له غزې پرته فلسطین ناشونی دی، او د اسرائیلو د اشغال له پای ته رسولو پرته سوله ناشوني
د تورکیې ولسمشر اردوغان د غزې په تړاو پر تړونونو د عمل کولو یادونه وکړه
د فلسطین چارواکي وايي، د اسرائیلو بریدونو په غزه کې تر ۶۸ میلیون ټنو پورې ملبه پریښې ده
فیدان: د مکې اتحاد د هغو سیمه‌ییزو هېوادونو پر مخ پرانیستی دی چې د سولې ګډ لید لوری لري.
امریکايي قاضي په واشنګټن کې د ټرمپ د کمان (قوس) جوړولو چارې په لنډمهاله توګه ودرولې
اسپانیا اوکراین ته د ۴۸۹ میلیونه ډالرو په ارزښت د پوځي مرستو کڅوړه ورکړه: زیلینسکي
د فرانسې په لاریونونو کې ۴۴۸ کسان نیول شوي او ۵۳ پولیس افسران ټپیان شوي دي
مارکو روبیو د ولسمشرۍ ټاکنو ته د نوماندېدو لپاره له دندې د استعفا ورکولو پلانونه رد کړل
عربي هېوادونو پر مدینې د حوثیانو د برید هڅه وغندله
د تورکیې پارلمان د مکې ګډ دفاعي تړون، چې سعودي عربستان او پاکستان پکې شامل دي، تصویب کړ
د مهمو خبرونو غورچاڼ