نړۍ
2 د لوستلو دقیقې
د امریکا د واشنګټن والي فرګوسن د کډوالۍ او ګمرکونو د ادارې (ICE) د لغوه کولو غوښتنه وکړه
د امریکا د واشنګټن ایالت والي، باب فرګوسن، د سیاټل په هوايي ډګر کې د کډوالۍ او ګمرکونو د پلي کولو ادارې (ICE) د نقاب‌پوشه کارکوونکو له لوري د دوو کسانو نیول کېدو ته په غبرګون کې د دغې ادارې د منحلولو (لغوه کولو) غوښتنه وکړه.
د امریکا د واشنګټن والي فرګوسن د کډوالۍ او ګمرکونو د ادارې (ICE) د لغوه کولو غوښتنه وکړه
ICE / Reuters (Wire)
 

د «ده هېل» (The Hill) ورځپاڼې د راپور له مخې، د واشنګټن په سیاټل ښار کې د «سیاټل-تاکوما» په نړیوال هوايي ډګر کې د نقاب‌پوشه ICE مامورینو له خوا د هغو دوو مسافرو د نیول کېدو ویډیو چې ویل یې د کار اجازه لري، په ټولنیزو رسنیو کې پراخ غبرګونونه راپارولي دي.

د واشنګټن والي باب فرګوسن پر خپله ټولنیزه پاڼه لیکلي: «د کډوالۍ اداره (ICE) په بشپړه توګه له کنټروله وتلې ده. د نورو ډېرو امریکایانو په څېر زه هم پر هغو نقاب‌پوشه مامورینو غوسه یم چې خپل هویت نه ښيي، الوتکې ته د ختلو پر مهال خلک له ځانه سره بیايي او په ټولنو کې ګډوډي رامنځته کوي.»

فرګوسن زیاته کړې چې دا پېښه د ICE د «غیرامریکايي تاکتیکونو وروستۍ بېلګه» ده.

نوموړي وروسته له رسنیو سره په خبرو کې د کډوالۍ او ګمرکونو په برخه کې د یادې ادارې فعالیتونه «غیراخلاقي او غیرانساني» وبلل او ویې ویل: «اوس د دې وخت رارسېدلی چې (د امریکا ولسمشر) ډونالډ ټرمپ د ICE اداره لغوه کړي.»

بلخوا، د ICE ادارې په یوه اعلامیه کې ویلي چې دا عملیات یې د مکسیکويي کډوال «ریکاردو لاروندو مېندوزا» د نیولو لپاره ترسره کړي، چې د دوی په وینا د ویزې د مودې له پای ته رسېدو سره سره په هېواد کې پاتې شوی و.

په اعلامیه کې دا هم راغلي چې «سوفیا هرناندیز مېخیا» چې پر مامورینو یې د ګرمې قهوې د شیندلو هڅه کړې وه، هم بې‌اسناده (ناقانونه) کډواله پېژندل شوې ده.

د ډیموکراټ ګوند د استازو جرګې غړي اډم سمېت هم په ټولنیزو رسنیو کې په خپره کړې اعلامیه کې په هوايي ډګر کې شوې پېښه «د نه منلو وړ» بللې او د ICE ادارې د فعالیتونو په اړه یې ژوره اندېښنه څرګنده کړې ده.

 

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.