نړۍ
3 د لوستلو دقیقې
په نایجریا کې د کښتۍ د ټکر له امله لږ تر لږه ۶۰ تنو ژوند د لاسه ورکړی دی.
په نایجریا کې کله چې کښتۍ د یوې ډوبې شوې ونې له ډنډ سره ټکر شوه او ډوبه شوه، په کې له ۱۰۰ څخه زیات مسافر سپاره وو.
په نایجریا کې د کښتۍ د ټکر له امله لږ تر لږه ۶۰ تنو ژوند د لاسه ورکړی دی.
نایجیریا د کښتۍ فاجعه / Reuters
 

په نایجریا کې د کښتۍ د ټکر له امله لږ تر لږه ۶۰ تنو ژوند د لاسه ورکړی دی.

په نایجریا کې کله چې کښتۍ د یوې ډوبې شوې ونې له ډنډ سره ټکر شوه او ډوبه شوه، په کې له ۱۰۰ څخه زیات مسافر سپاره وو.

ځايي چارواکو ویلي، د نایجریا په شمال مرکزي نایجیر ایالت کې د یوې کښتۍ د ډوبېدو له امله لږ تر لږه ۶۰ کسان مړه شوي دي چې له ۱۰۰ څخه زیات مسافر پکې سپاره وو.

دغه کښتۍ چې له ۱۰۰ زيات مسافر پکې سپاره وو، د سې شنبې په سهار له تونګان سوله کلي (د مالاله ولسوالۍ) څخه د دوګا ښار په لور د يوه د تسليت د سفر لپاره روانه وه، چې د بورګو ولسوالۍ د ګوساوا سيمې ته څېرمه له يوې د اوبو لاندې ونې له ډنډ سره ټکر شوه او واوښته.

د بورګو د ولسوالۍ رئيس، عبدالله بابا ارا، د چهارشنبې په ورځ رویټرز ته وويل: «د کښتۍ د پېښې د مړو شمېر ۶۰ ته رسېدلی دی.»

هغه زياته کړه: «لس کسان په جدي حالت کې موندل شوي او د ډېرو د موندلو هڅې روانې دي.» پېښه د سهار شاوخوا ۱۱ بجې  رامنځته شوې.

د شګوومي ولسوالۍ مشر، سعدو انوا محمد، وويل چې نوموړی ډېر ژر د پېښې ځای ته رسېدلی و. ده زياته کړه: «په کښتۍ کې له ۱۰۰ زيات کسان سپاره وو. موږ له سينده ۳۱ جسدونه راويستل. کښتۍ هم را وایستل شوه. ډېری قربانيان ښځې او ماشومان وو.» څلور جسدونه د اسلامي مراسمو له مخې د سې شنبې په ورځ خښ کړل شول.

د نايجر ايالت د بيړنيو حالاتو ادارې (NSEMA) وويل چې سيمه ييز غوټه وهونکي او د ژغورنې ډلې لا هم د ژغورنې هڅې روانې ساتي. ادارې د ۲۹ مړو، ۵۰ ژغورل شوو کسانو او د دوو لا درکه کسانو رسمي شمېر تأييد کړ، مګر دا یې ومنله چې د مړو شمیر مخ په زیاتیدو دی ځکه چې نور جسدونه را ایستل شوي دي.

ادارې وویل چې کښتۍ ډیر بار وه او د ونې ډنډ سره ټکر شوې او وروسته واوښته.

په نايجېريا کې د کښتیو پېښې ډېرې تکرارېږي، په ځانګړي ډول د باراني موسم پر مهال، د خونديتوب د اصولو د نه پلي کېدو، د ډېر بار وړلو او د زاړو ساتل شوي کښتیو کارولو له امله.

په وروستيو کلونو کې سلګونه کسان د ورته پېښو په ترڅ کې د سيندونو او د کور دننه د اوبو د لارو په اوږدو کې مړه شوي دي. چارواکي وايي، پلټنې به وڅېړي چې آيا د خونديتوب اصول مراعت شوي وو او که نه، او دا چې د سيمې د اوبو د سطحې په اړه د ورکړل شوو خبرداريو پر وړاندې کښتیو چلونکو غفلت کړی دی که څنګه.

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.