د غزې جګړه
2 د لوستلو دقیقې
د اسرائیل لخوا لږ تر لږه دولس فلسطینیان، چې شپږ يي ماشومان دي په غزه کې ووژل شول
د اسرائیل لخوا د غزې د اتصالي لارو د بندولو له امله، په دې جګړه کې په بشپړه توګه ویجاړه شوې سیمه کې د خوړو جدي قحطي پیل شوې ده.
د اسرائیل لخوا لږ تر لږه دولس فلسطینیان، چې شپږ يي ماشومان دي په غزه کې ووژل شول
/ Reuters

د چهارشنبې په سهار د اسرائیلي بریدونو په ترڅ کې دولس نور فلسطینیان، چې شپږ تنه ماشومان هم پکې شامل دي، وژل شوي دي. دا بریدونه په جګړه ځپلې غزه کې د کورونو او ملکي وګړو پر ډلو ترسره شوي.

د طبي سرچینو په وینا، د غزې په شمال کې  د النجار کورنۍ پر کور د اسرائیلو د  هوايي برید په ترڅ کې اته فلسطینیان، چې شپږ ماشومان هم پکې شامل دي، ووژل شول.

په مرکزي غزه کې د بریج کډوالو کمپ په یوه اپارتمان د اسرائیلو برید په ترڅ کې یو پلار او زوی ووژل شول. دا معلومات هم د طبي سرچینو له خوا ورکړل شوي دي.

د عیني شاهدانو په وینا، په دې سیمه کې د نورو لا درکه شویو کسانو د موندلو لپاره د ژغورنې عملیات دوام لري.

په جنوبي غزه کې، د خان یونس په سیمه کې د ملکي وګړو پر یوې ډلې د اسرائیلي برید په ترڅ کې دوه فلسطینیان، چې یوه ښځه هم پکې شامله ده، ووژل شول. دا معلومات د طبي سرچینو له خوا ورکړل شوي دي.

د چهارشنبې د ورځې دا بریدونه په داسې حال کې ترسره شول چې اسرائیلو د مارچ له پیل راهیسې د غزې لارې د بشري مرستو لپاره تړلې دي، چې په دې جګړه ځپلې سیمه کې د خوراکي توکو سخت کمښت رامنځته کړی دی.

د اسرائیلي پوځ لخوا د مارچ په ۱۸مه په غزه ناڅاپي هوايي بریدونه پیل شول، چې نږدې ۸۰۰ کسان یې ووژل او له ۱۶۰۰ څخه زیات یې ټپیان کړل، سره له دې چې د جنورۍ په میاشت کې د اوربند او بندیانو د تبادلې تړون نافذ شوی و.

د ۲۰۲۳ کال د اکتوبر راهیسې د اسرائیلي پوځ د وحشیانه بریدونو په ترڅ کې په غزه کې له ۵۰,۱۰۰ څخه زیات فلسطینیان، چې ډېری یې ښځې او ماشومان دي، وژل شوي او له ۱۱۳,۷۰۰ څخه زیات ټپیان شوي دي.

وپلټۍ
په تورکیه کې د ملګرو ملتونو د اقلیمي بدلون سرمشریزه (COP31) پیل شوه.
د کابل د «بالا حصار» کلا دقیقه بیارغونه د افغانستان د دوه زره کلن تاریخ رازونه رابرسېره کوي
ټرمپ پر ایران د بیاځلي بریدونو په اړه شک څرګند کړ، په داسې حال کې چې روبیو د دې جګړې دفاع کوي
د چین په شمال کې د استوګنې په یوه ودانۍ کې د اورلګېدنې له امله ۱۴ کسان مړه شوي دي
په لسګونو زرو کسانو  هالنډ په  امسټرډام کې د اسرائیلو پر وړاندې د سختو اقداماتو په غوښتنه لاریون وکړ
د مهمو خبرونو غورچاڼ
په برازیل کې یوه جهیل ته د موټر لوېدو له امله د ماشومانو په ګډون ۱۰ تنو ژوند د لاسه ورکړی .
حوثي ملیشو د سعودي عربستان په یو مهم مالي مرکز برید وکړ.
ولسمشر اردوغان له ټرمپ سره ټيلیفوني خبرې وکړې
د اذربایجان ولسمشر علي یف د ولسمشر اردوغان نه په هوايي ډګر کې هر کلی وکړ.
اردوغان:هغه کسان چې د تورکیې او اذربایجان د ورورولۍ کمزوري کول غواړي،هېڅکله به خپلو موخو ته نایل نشي
د تورکیې بهرنیو چارو وزیر فیدان خبرداری ورکړ چې سمندري دهلیزونه د جګړې په ډګرونو بدلېدای شي.
د ملګرو ملتونو د مشرۍ لپاره د تورکيې نوماند فریدون سینیرلي اوغلو  خپل پلان په ډاګه کړ
روسيې د کیف ترڅنګ د انرژۍ تاسیسات په نښه کړي او یو مهم پل یې زیانمن کړی
د خبرو اترو لسیزه: د ټي آر ټي (TRT) نړیوال فورم ۲۰۲۶ په استانبول کې پیل شو