د غزې جګړه
2 د لوستلو دقیقې
حماس : غزه به تسلیم نشي او د نتنیاهو څرګندونې خیالي غوښتنې او تصور دی
د فلسطین مقاومت ډلې حماس د چهارشنبې په ورځ وویل چې د اسرائیلي یرغمل شویو کسانو خوشې کول به یوازې د حماس د شرایطو له مخې ترسره شي.
حماس : غزه به تسلیم نشي او د نتنیاهو څرګندونې خیالي غوښتنې او تصور دی
/ Reuters
 

حماس د اسرائیلو د لومړي وزیر بنیامین نتنیاهو وروستۍ څرګندونې چې د یرغمل شویو کسانو د خوشې کولو او د غزې د تسلیمېدو په اړه وې، رد کړې دي او دا یې د "ماتې د خیالي تصور" په توګه یادې یاد کړ.

د فلسطین مقاومت ډلې حماس د چهارشنبې په ورځ وویل چې د اسرائیلي یرغمل شویو کسانو خوشې کول به یوازې د حماس د شرایطو له مخې ترسره شي.

د حماس د سیاسي دفتر لوړپوړي غړي عزت الرشق د ټیلیګرام له لارې په یوه بیان کې د نتنیاهو هغه ادعا رد کړه چې د غزې جګړه به د یرغمل شویو کسانو په غیر مشروط خوشې کولو او د حماس په له منځه وړلو پای ته ورسېږي.

الرشق وویل: "د نتنیاهو خبرې چې ټول یرغمل شوي کسان به خوشې شي او حماس به تسلیم شي، د ماتې یو رواني تصور څرګندوي، نه پر واقعیتونو ولاړې خبرې دي"

الرشق ټینګار وکړ چې د اسرائیلو مشرتابه په پوځي عملیاتو کې د یرغمل شویو کسانو په ترلاسه کولو کې پاتې راغلې دي او یوازې د حماس  سره د جدي تړون له لارې د دې ستونزې حل ممکن دی.

هغه زیاته کړه: "د یرغمل شویو کسانو خوشې کول به یوازې د یوه داسې تړون له مخې ترسره شي چې د حماس شرایط پکې په پام کې نیول شوي وي." هغه د غزې د تسلیمېدو هر ډول تصور رد کړ.

"غزه به تسلیم نه شي. لکه څنګه چې مقاومت په سیمې باندې معادلې تحمیلوي، همداسې به د هر ډول تړون شرایط هم ټاکي."

نتنیاهو د جګړې موخې بیا تکرار کړې

له دې وړاندې، لومړي وزیر نتنیاهو په ایکس کې وویل چې د جګړې موخې نه دي بدلې شوې: د ټولو اسراییلي یرغمل شویو کسانو خوشې کول، د حماس پوځي او حکومتي وړتیاوې له منځه وړل، او اسرائیلو ته د دې ډلې د ګواښ پای ته رسول.

هغه وویل: "زموږ ماموریت لا پای ته نه دی رسېدلی. حماس به ماتې وخوري او له منځه یووړل شي، او غزه به نور اسرائیلو ته کوم ګواښ نه وي."

د هغه څرګندونې په داسې حال کې شوې چې په کور دننه فشارونه او د نړیوالې ټولنې له خوا د غزې پر روان نسل وژنې او د اکتوبر د ۷مې راهیسې د یرغمل شویو کسانو پر برخلیک نیوکې زیاتې شوې دي.

 

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.