د هالنډ د ازادۍ افراطي ګوند مشر ویلډرز د ائتلافي حکومت څخه د استعفا ګواښ کړی دی.
د هالنډ د ښي اړخي او د اسلام ضد ګوند مشر ګیرت ویلډرز ویلي چې د هغه په مشرۍ د ازادۍ ګوند به د ائتلافي حکومت څخه ووځي، چې له دې سره به د ښي اړخي حکومت سقوط وکړي.
د هالنډ د ښي اړخي او د اسلام ضد ګوند مشر ګیرت ویلډرز ویلي چې د هغه په مشرۍ د ازادۍ ګوند به د ائتلافي حکومت څخه ووځي، چې له دې سره به د ښي اړخي حکومت سقوط وکړي.
د ائتلافي حکومت شریکان محافظهکار د ازادۍ او ډیموکراسۍ لپاره د خلکو ګوند ، منځلاری د نوي ټولنیز تړون ګوند ، او د بزګرانو ګوند پکې شامل دي، د ویلډرز په مشرۍ د ازادۍ ګوند له مشر ګیرت ویلډرز سره یوې موافقې ته ونه رسېدل. ویلډرز غوښتنه کړې وه چې د هالنډ د پناه غوښتنې او مهاجرت په پالیسۍ کې پراخ محدودیتونه ولګول شي.
ویلډرز په یوه پوسټ کې چې په X (پخوانی ټویټر) کې یې خپور کړی، ویلي: "زموږ د پناه غوښتنې پلانونو لاندې هیڅ لاسلیک نشته. د ازادۍ ګوند له ائتلاف څخه وځي."
د VRT د راپور له مخې، ویلډرز چې د ائتلاف په جوړښت کې مهم رول لري، ټینګار کړی چې لس سخت نوي اقدامات باید د ائتلاف په تړون کې شامل شي. دې اقداماتو کې د پناه غوښتونکو لپاره د سرحدونو تړل، د سرحدونو پوځي کنټرول زیاتول، د پناه غوښتنې مرکزونو کمول، او هغو سوریایي کډوالو شړل شامل دي چې د لنډمهاله استوګنې جوازونه لري.
ویلډرز یوه ورځ وړاندې ګواښ کړی و: "که هیڅ بدلون رانشي یا کافي بدلون ونه شي، د ازادۍ ګوند به له ائتلافي حکومته جلا شي ."
په ورته وخت کې، د نورو ائتلافي ګوندونو مشرانو د دې پرېکړې په وړاندې غوسه او خواشیني څرګنده کړه.
د ازادۍ او ډیموکراسۍ لپاره د خلکو ګوند مشرې دیلان یشیل ګوز وویل: "هغه خپل ځان او خپلې ګټې غوره کوي. زه حیرانه یم. هغه د ښي اړخي سیاست لپاره فرصت له منځه وړي. دا ډېر غیرمسؤولانه کار دی."
د بزرګرانو د ګوند مشرې کارولین فان در پلاز هم د دې پرېکړې غندنه وکړه.
هغې وویل: "هغه ټولې چارې په خپل لاس کې لري او په قصدي ډول د ائتلاف پای ته رسولو هڅه کوي."
د د نوي ټولنیز تړون ګوند مشرې نیکولین فان فروونهوفن وویل چې دا غونډه غیر ضروري وه، ځکه چې دوی لا دمخه د ویلډرز د ځینو اندېښنو په اړه کار کاوه.