نړۍ
2 د لوستلو دقیقې
زیلینسکي : روسیې پر کیف په وروستیو بریدونو کې د شمالي کوریا ساخت توغندیو نه کار اخیستی دی
د اوکراین ولسمشر ولادیمیر زیلینسکي ادعا کړې چې روسیې په کیف د تیرې شپې په بریدونو کې  د شمالي کوریا  ساخت  بالستیک توغندیو نه کار اخیستی ، چې په پایله کې یې ۱۲ کسان وژل شوي او ۹۰ نور ټپیان شوي دي.
زیلینسکي : روسیې پر کیف په وروستیو بریدونو کې د شمالي کوریا ساخت توغندیو نه کار اخیستی دی
Zelenskyy warns of "criminal nature of the alliance between Russia and Pyongyang" if it's confirmed. / Reuters
 

زیلینسکي، چې دا مهال د سویلي افریقا په رسمي سفر بوخت دی، د پنجشنبې په ورځ په یوه بیان کې وویل: "د لومړنیو معلوماتو له مخې، روسانو د شمالي کوریا جوړ شوی بالستیک توغندی کارولی دی. زموږ ځانګړې ادارې د ټولو جزئیاتو څېړنه کوي."

هغه خبرداری ورکړ چې که دا ادعا تایید شي، نو دا به د روسیې او پیونګ یانګ ترمنځ د اتحاد "جرمي ماهیت" څرګند کړي.

تر دې مخکې، اوکراین راپور ورکړی و چې د روسیې د توغندیو په برید کې د کیف په مرکز کې ۱۰ کسان وژل شوي او ۹۰ نور ټپیان شوي دي، خو وروسته د د ویجاړو شوو ودانیو له کنډوالو څخه د دوو نورو کسانو مړي هم راویستل شول.

د کیف د ښار د پوځي ادارې مشر، تیمور تکاچینکو، په ټیلیګرام کې وویل: "د ژغورنې ډلې د سویاتوشینسکي ولسوالۍ له کنډوالو څخه د دوو نورو کسانو مړي راویستي دي. د مړو شمیره ۱۲ تنو ته لوړه شوه."

تکاچینکو مخکې ویلي و چې په برید کې ۹۰ کسان په بېلابېلو کچو ټپیان شوي، چې لږ تر لږه ۱۲ یې ماشومان دي.

هغه زیاته کړه چې د ښار هولوسیوسکي، شیفچینکیوسکي، سولومینسکي، اوبولونسکي، او دسنینسکي ولسوالۍ هم په برید کې زیانمنې شوې دي.

د اوکراین هوایي ځواک ادعا کړې چې د دوی هوایي دفاعي سیسټمونو د روسیې لخوا د شپې په برید کې ۷۰ توغندیو څخه ۴۸ او ۱۴۵ ډرونونو څخه ۶۴ شنډ کړي دي.

ټرمپ د پوتین څخه د بریدونو د درولو غوښتنه وکړه

په همدې حال کې، د امریکا ولسمشر ډونلډ ټرمپ د روسیې ولسمشر ولادیمیر پوتین څخه غوښتنه وکړه چې په اوکراین بریدونه ودروي.  ویل کیږي ټرمپ د روسیې پر ولسمشر نیوکه هم کړې ده.

د ټرمپ دا مستقیمه غوښتنه وروسته له هغې وشوه چې زیلینسکي له خپلو متحدینو وغوښتل چې په روسیه نور فشار راوړي ترڅو خپل یرغل ودروي.

ټرمپ په ټولنیزو رسنیو کې وویل: "زه د روسیې د بریدونو څخه خوښ نه یم. دا غیر ضروري دي او ډېر بد وخت دی. ولادیمیر، بریدونه وردوه !

ټرمپ، چې د روسیې د ملاتړ په تور تورن شوی او تل یې  پر زیلینسکي نیوکې کړي، خبریالانو د ددې پوښتنې په ځواب کې چې ایا روسیې څه دول امتیاز وړاندې کړی ؟  

هغه ځواب ورکړ: "د ټول هېواد د نیولو درول — یو ډېر لوی امتیاز."

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.