د روسیې دفاع وزارت ویلي چې د اوکراین بې پیلوټه الوتکو په روسیې برید کړی، او لسګونه اوکرایني ډرونونه غورځول شوي دي
ویل کیږي د ډرون د نوموړو بریدونو له امله په جنوبي روسیه او د نیول شوې کریمیا په برخه کې ښوونځي تړل شوي او د ټرانسپورت سیستم د خنډونو سره مخ شوی دی. همداشان ځینو کورونو ته زیان رسیدلی . چې بیړنيو ټیمونو په چټکۍ سره غبرګون وښود.
د روسیې د دفاع وزارت د جمعې په ورځ راپور ورکړ چې ۳۳ اوکرایني ډرونونه د روسیې پر پنځو سیمو، د نیول شوې کریمیا پر برخو او د تور سمندر پر فضا د تېرې شپې په جریان کې وویشتل شول او ویجاړ شول.
ډرونونو لږ تر لږه اته هوایي ډګرونه د عملیاتو له ځنډولو سره مخ کړل، چې د روسیې د هوايي چلند د څار ادارې یې تایید وکړ، او په اغېزمنو سیمو کې یې هوايي سفر ګډوډ کړ.
د کراسنودار کرای د بیړني غبرګون چارواکو وویل چې د کراسنودار سیمې په سلاویانسک-آن-کوبان کې، د ډرون د غورځیدو له امله دوه کسان ټپیان شول، او دوی بشپړ طبي پاملرنه ترلاسه کوي.
سیمه ییز ښوونځي، وړکتونونه، او اضافي تعلیمي ادارې وتړل شوې، د ثانوي او لوړو زده کړو اسانتیاوو ته مشوره ورکړل شوه چې تر هغه وخته پورې ټولګي لغوه کړي چې ګواښ کم شي.
د سیمې والي یوري سلیوسار راپور ورکړ چې په روستوف سیمه کې اوه ډرونونه راغورځول شوي، چیرې چې د برېښنا یوه ستنه زیانمنه شوه او له امله یې له ۲۰۰ څخه ډېر کورونه له برېښنا بې برخې شول.
بیړنیو خدمتونو په اوو ځایونو کې د کړکیو، چتونو او دروازو زیانونه ثبت کړل او د خلکو د هستوګنې د بیا رغونې لپاره یې ټیمونه ځای په ځای کړل.
د تاس خبري اژانس په وینا، د سلاویانسکي ولسوالۍ مشر رومن سینیاګوفسکي د ټیلیګرام مخابراتي پلیټ فارم کې د احتیاطي بندیدو تایید وکړ، او د ملکي سیمو په نښه کولو د ډرون بریدونو په اړه د روانو اندیښنو یادونه یې وکړه.
روسي چارواکو له اوسیدونکو وغوښتل چې احتياط وکړي، په داسې حال کې چې بیړني ټیمونه د زیان ارزونه کوي، د امنیت ډاډ ورکوي او له اغېزمنو خلکو سره سمدستي مرسته برابروي.
