نړۍ
3 د لوستلو دقیقې
د پاکستان په شمال لویدیځ کې په یوه ځانمرګي برید کې یو پولیس افسر ووژل شو
پاکستاني چارواکو وویل، د دوشنبې په ورځ د پاکستان په نا ارامه شمال لویدیځ سیمه کې د پولیسو یوه موټر ته څېرمه په ځانمرګي برید کې لږ تر لږه یو افسر وژل شوی او ګڼ نور ټپیان دي.
د پاکستان په شمال لویدیځ کې په یوه ځانمرګي برید کې یو پولیس افسر ووژل شو
آرشیف / Reuters
 

د پاکستان په شمال لویدیځ کې په یوه ځانمرګي برید کې یو پولیس افسر ووژل شو

پاکستاني چارواکو وویل، د دوشنبې په ورځ د پاکستان په نا ارامه شمال لویدیځ سیمه کې د پولیسو یوه موټر ته څېرمه په ځانمرګي برید کې لږ تر لږه یو افسر وژل شوی او ګڼ نور ټپیان دي.

ځايي پولیس افسر اشفاق خان وویل، دا برید د خیبر پښتونخوا ایالت په لکي مروت ولسوالۍ کې شوی، خو نور جزئیات یې ورنه کړل.

لومړي وزیر شهباز شریف په یوه اعلامیه کې دا برید غندلی دی.

په یوه جلا پېښه کې، د ځايي رسنیو د راپورونو له مخې، ځانمرګو بریدګرو او وسله والو تېره شپه د بلوچستان ایالت په نوکونډۍ ولسوالۍ کې پر یوه پوځي مرکز برید کړی دی.

د بلوچستان د ازادۍ جبهې په نوم یوې بېلتون غوښتونکې ډلې په یوه خبرپاڼه کې د دې برید مسؤلیت منلی او ویلي یې دي چې جنګیالیو یې د فرنټیر کور پر یوه دفتر برید کړی او له سرتېرو سره یې نښته روانه ده.

پوځ او حکومت په دې اړه سمدستي څه نه دي ویلي.

پاکستان په وروستیو کلونو کې د تاوتریخوالي د زیاتوالي شاهد دی، او حکومت یې ډېری وخت په بلوچستان کې مېشت بېلتون غوښتونکي او د پاکستان ناقانونه طالبان، چې د تحریک طالبان پاکستان یا TTP په نوم پېژندل کیږي، پړه بولي.

په بریدونو کې پرله پسې زیاتوالي د اسلام اباد او کابل ترمنځ اړیکې هم  ترینګلې کړي دي، او پاکستاني چارواکي TTP تورنوي چې په ۲۰۲۱ کال کې د طالبانو له واکمنېدو راهیسې په افغانستان کې په ازاده توګه فعالیت کوي. افغانستان دا تورونه ردوي.

د پاکستان او افغانستان ترمنځ تاوتریخوالی وروسته له هغې زیات شو چې طالبانو حکومت پاکستان تورن کړ چې د اکتوبر په ۹ مه یې په کابل کې د بې پیلوټه الوتکې برید کړی دی.

له دې وروسته سرحدي نښتې وشوې، چې لسګونه سرتېري، ملکي وګړي او اورپکي په کې ووژل شول، مخکې له دې چې قطر د اکتوبر په ۱۹ مه د اوربند منځګړیتوب وکړي چې لا هم پر ځای دی، که څه هم د دواړو خواوو ترمنځ خبرې په استانبول کې له کومې موافقې پرته پای ته ورسېدې. ایران او سعودي عربستان د دې ځنډېدلو خبرو د بیا پیلولو لپاره د مرستې وړاندیز کړی دی.

د پاکستان د بهرنیو چارو وزارت تېره اوونۍ وویل چې پاکستان به د ایران او سعودي عربستان په ګډون د دوستو هېوادونو له منځګړیتوب څخه هرکلی وکړي، خو اسلام اباد یوازې له کابل څخه غواړي چې TTP او نور اورپکي کنټرول کړي او په پاکستان کې د بریدونو لپاره د افغانستان له خاورې څخه د هغوی د کار اخیستنې مخه ونیسي.

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.