نړۍ
2 د لوستلو دقیقې
د پاکستان پر پوځي ځواکونو ځانمرګی بريد شوی؛ درې سرتېري او درې ترهګر وژل شوي
د پولیسو او ژغورنې ادارو د چارواکو په وینا، ځانمرګو بریدګرو د دوشنبې په سهار د پاکستان په شمال لوېدیځ کې د یوه امنیتي ځواک پر مرکز برید وکړ، چې لږ تر لږه درې سرتیرو ژوند د لاسه ورکړی دی. په دغه برید کې درې واړه بریدګر هم وژل شوي دي.
د پاکستان پر پوځي ځواکونو ځانمرګی بريد شوی؛ درې سرتېري او درې ترهګر وژل شوي
د پاکستان پر پوځي ځواکونو ځانمرګی بريد شوی؛ درې سرتېري او درې ترهګر وژل شوي / Reuters

د پاکستان پر پوځي ځواکونو ځانمرګی بريد شوی؛ درې سرتېري او درې ترهګر وژل شوي

ځانمرګو بریدګرو په پېښور کې د فدرال کانسټیبلري پر مرکز برید کړی، چې په پایله کې یې درې سرتېري وژل شوي. امنیتي ځواکونو دوه بریدګر وژلي او دریم ځان ته چاودنه ورکړې، چې ورسره دغه برید پای ته رسېدلی دی.
د پولیسو او ژغورنې ادارو د چارواکو په وینا، ځانمرګو بریدګرو د دوشنبې په سهار د پاکستان په شمال لوېدیځ کې د یوه امنیتي ځواک پر مرکز برید وکړ، چې لږ تر لږه درې سرتیرو ژوند د لاسه ورکړی دی. په دغه برید کې درې واړه بریدګر هم وژل شوي دي.

دا ترهګریز برید د خیبر پښتونخوا ایالت په مرکز پېښور کې شوی.

د پېښور د پولیسو مشر میان سعید وویل: "درې د اېف سي (فدرال کانسټیبلري) سرتېري چې په دروازه کې پیره کوله ژوند د لاسه ورکړی  او څلور نور ټپیان شوي دي." هغه زیاته کړه، چې یوه بریدګر د اف سي ځواکونو د ایالتي مرکز په اصلي دروازه کې چاودېدونکي توکي والوزول او دوه نور بریدګر چې ودانۍ ته په ننوتلو بریالي شوي وو، د امنیتي ځواکونو له خوا په ډزو ووژل شول.

هغه وویل، د امنیتي ځواکونو چټک غبرګون د لا ډېرې مرګ ژوبلې مخه ونیوله او وضعیت په چټکۍ سره تر کنټرول لاندې راوستل شو.

د پاکستان ولسمشر اصف علي زرداري او لومړي وزیر شهباز شریف دغه برید غندلی او د امنیتي ځواکونو د چټک اقدام ستاینه یې کړې، چې د "ګرانو ژوندونو" د ژغورلو لامل شو.

دوی په جلا جلا بیانیو کې ژمنه وکړه چې د "دغو بزدلانه بریدونو" سره سره به د ترهګرۍ پر وړاندې د ملت جګړه دوام ولري.

د دغه برید پړه تر اوسه کومې ډلې پر غاړه نه ده اخیستې.

خو، تحریک طالبان پاکستان (ټي ټي پي) په هېواد کې د ورته پخوانیو بریدونو مسؤله ګڼل شوې ده، چې په دې وروستیو کې په کې ترهګریز بریدونه زیات شوي دي.

دغو بریدونو د اسلام اباد او د افغانستان د طالبانو د حکومت ترمنځ اړیکې ترینګلې کړې دي. پاکستان پر ټي ټي پي تور لګوي چې په ۲۰۲۱ کال کې د طالبانو له واکمنېدو وروسته په افغانستان کې په ازاده توګه فعالیت کوي. کابل دغه تورونه ردوي.

 

وپلټۍ
ایران وايي چې د قشم ټاپو باندې د امریکا بریدونو حیاتي زیربناوو ته کوم زیان نه دی رسولی.
په تورکیه کې د ملګرو ملتونو د اقلیمي بدلون سرمشریزه (COP31) پیل شوه.
د کابل د «بالا حصار» کلا دقیقه بیارغونه د افغانستان د دوه زره کلن تاریخ رازونه رابرسېره کوي
ټرمپ پر ایران د بیاځلي بریدونو په اړه شک څرګند کړ، په داسې حال کې چې روبیو د دې جګړې دفاع کوي
د چین په شمال کې د استوګنې په یوه ودانۍ کې د اورلګېدنې له امله ۱۴ کسان مړه شوي دي
په لسګونو زرو کسانو  هالنډ په  امسټرډام کې د اسرائیلو پر وړاندې د سختو اقداماتو په غوښتنه لاریون وکړ
د مهمو خبرونو غورچاڼ
په برازیل کې یوه جهیل ته د موټر لوېدو له امله د ماشومانو په ګډون ۱۰ تنو ژوند د لاسه ورکړی .
حوثي ملیشو د سعودي عربستان په یو مهم مالي مرکز برید وکړ.
ولسمشر اردوغان له ټرمپ سره ټيلیفوني خبرې وکړې
د اذربایجان ولسمشر علي یف د ولسمشر اردوغان نه په هوايي ډګر کې هر کلی وکړ.
اردوغان:هغه کسان چې د تورکیې او اذربایجان د ورورولۍ کمزوري کول غواړي،هېڅکله به خپلو موخو ته نایل نشي
د تورکیې بهرنیو چارو وزیر فیدان خبرداری ورکړ چې سمندري دهلیزونه د جګړې په ډګرونو بدلېدای شي.
د ملګرو ملتونو د مشرۍ لپاره د تورکيې نوماند فریدون سینیرلي اوغلو  خپل پلان په ډاګه کړ
روسيې د کیف ترڅنګ د انرژۍ تاسیسات په نښه کړي او یو مهم پل یې زیانمن کړی