نړۍ
3 د لوستلو دقیقې
زیلینسکي : اوکرایني ځواکونو د روسیې د سختو بریدونو سره مخ دي
د اوکراین ولسمشر ولادیمیر زیلینسکي ویلي چې د کیف ځواکونه د ختیځ ښار پوکروفسک په شاوخوا کې له سختو بریدونو سره مخ دي، کوم چې د لوژستیک یو مهم مرکز دی . د بله پلوه روسیې په دې سیمه کې د نږدې ورځنیو پرمختګونو ادعا کړې ده.
زیلینسکي : اوکرایني ځواکونو د روسیې د سختو بریدونو سره مخ دي
/ Reuters
 

د اوکراین ولسمشر ولادیمیر زیلینسکي ویلي چې د کیف ځواکونه د ختیځ ښار پوکروفسک په شاوخوا کې له سختو بریدونو سره مخ دي، کوم چې د لوژستیک یو مهم مرکز دی . د بله پلوه روسیې په دې سیمه کې د نږدې ورځنیو پرمختګونو ادعا کړې ده.

زیلینسکي په خپل ماښامنۍ ویدیو پیغام کې وویل چې لوړپوړي قوماندان الکساندر سیریسکي لوړپوړو چارواکو ته معلومات ورکړل او تایید یې کړه چې پوکروفسک اوس د پوځي عملیاتو اصلي تمرکز دی.

زیلینسکي زیاته کړه: "ټولې عملیاتي برخې وڅېړل شوې، په ځانګړې توګه په پوکروفسک تمرکز وشو. دې سیمې ته تر ټولو زیات پام کېږي."

هغه دا هم وویل چې د اوکراین ځواکونه په شمالي سیمه سوومي کې هم "فعالیت ته دوام ورکوي"، چیرې چې روسي ځواکونو په دې وروستیو کې د سرحد په اوږدو کې پرمختګ کړی دی.

سیریسکي په ټیلیګرام کې په یوه جلا بیان کې پوکروفسک او پنځه نورې سیمې د ۱۰۰۰ کیلومتره اوږد محاذ تر ټولو سختې برخې وبللې.

هغه وویل: "د روسیې فدراسیون د خپل د اوړي د برید هڅې لپاره تر ټولو لوړه بیه پرې کوي."

روسي ځواکونه د میاشتو راهیسې د پوکروفسک پر لور پرمختګ کوي. دا ښار، چې یو وخت یې شاوخوا ۶۰,۰۰۰ اوسیدونکي درلودل، د سړکونو او ریلونو یو مهم مرکز دی او د اوکراین یوازینی د کوکینګ سکرو کان لري، چې د دې هېواد د فولادو صنعت لپاره اړین دی.

ډېر ملکي وګړي له دې ځایه مخکې لا وتلي دي.

د پنجشنبې په ورځ، د روسیې د دفاع وزارت د پوکروفسک لویدیځ ته د زویروف او ختیځ ته د نوو اکانومچین نیولو اعلان وکړ. د دې اونۍ په پیل کې، دوی ادعا وکړه چې نږدې نوووتوریڅک یې "آزاد" کړی دی.

د اوکراین پوځ د کومې سیمې د لاسه ورکولو پخلی نه دی کړی. د دوی د ماښام راپور کې، د عمومي قوماندانۍ دفتر وویل چې روسي ځواکونه د زویروف او نوو اکانومچین په شاوخوا سیمو کې فعاله بریدونه کوي.

په همدې حال کې، په سوومي سیمه کې، چیرې چې روسیه هڅه کوي هغه څه رامنځته کړي چې ولسمشر ولادیمیر پوتین یې "د خوندیتوب زون" بولي، د راپورونو له مخې د اوکراین ځواکونو ځینې سیمې بېرته نیولي دي.

د "ډیپ سټیټ" په نوم پوځي بلاګ، چې د خلاصې سرچینې استخباراتو څخه کار اخلي، ویلي چې د اوکراین ځواکونو د کندراتیوکا کلی بېرته نیولی دی.

تر اوسه د اوکراین یا روسیې چارواکو له خوا رسمي تایید نه دی شوی.

د سختو خبرو اترو تمه

په همدې حال کې، روسیې خبرداری ورکړی چې په استانبول کې د راتلونکې اونۍ خبرې به "ډېرې سختې" وي، چې د درې کلنې جګړې وروسته د پرمختګ هیله یې کمه کړې ده.

دواړو هېوادونو پلاوي استانبول ته روان شوي، چې تمه ده خبرې اترې د ماښام په وخت پیل شي.

په می او جون کې شوې پخوانۍ غونډې یوازې د بندیانو تبادلې او د سرتیرو د پاتې شونو انتقال ته محدودې وې.

د کرملین ویاند دیمتري پسکوف خبریالانو ته وویل: "دا به ډېر سخت وي،" او زیاته یې کړه چې هیڅوک د اسانه لارې تمه نه لري.

 

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.