نړۍ
3 د لوستلو دقیقې
روسیه ادعا کوي چې د اوکرایني ډرون ددې هیواد د تیلو په چاڼځای برید کړی
د سه شنبې په ورځ د روسیې په سویلي سیمه "کراسنوډار" کې د یوه ډرون الوتکې د پاتې شونو راغورځېدو یو کس ټپي کړی او په یو تېل چاڼځای کې یې اور لګولی دی؛ ځايي چارواکي دا د اوکراین له خوا برید بولي.
روسیه ادعا کوي چې د اوکرایني ډرون ددې هیواد د تیلو په چاڼځای برید کړی
روسیه ادعا کوي چې د اوکرایني ډرون الوتکو پاتې شونو په یو تېل چاڼځای کې اور لګولی دی
 

روسیه ادعا کوي چې د اوکرایني ډرون الوتکو پاتې شونو په یو تېل چاڼځای کې اور لګولی دی
د روسیې ځايي چارواکي وايي، د شپې ناوخته برید د استوګنې ودانیو ته زیان اړولی دی.

د سه شنبې په ورځ د روسیې په سویلي سیمه "کراسنوډار" کې د یوه ډرون الوتکې د پاتې شونو راغورځېدو یو کس ټپي کړی او په یو تېل چاڼځای (ریفاینري) کې یې اور لګولی دی؛ ځايي چارواکي دا د اوکراین له خوا برید بولي.

سیمه ییزو چارواکو په ټیلیګرام کې ویلي چې دغو پاتې شونو د "افیپسکي"، "سمولینسکایا" او "کوالینکو" په کلیو کې کورونو ته هم زیان اړولی دی. د چارواکو په وینا، د ریل ګاډي په یوه تمځای کې یوې ودانۍ ته هم زیان رسېدلی دی. اوکراین تر اوسه د روسیې د دغو ادعاوو په اړه څه نه دي ویلي.

د روسیې د دفاع وزارت په ټیلیګرام کې ویلي چې هوايي دفاعي سیسټمونو یې د شپې په اوږدو کې د الحاق شوې کریمیا په ګډون په بېلابېلو سیمو، او د ازوف او تورې بحیرې په فضا کې ۲۸۸ اوکرایني ډرون الوتکې شنډې او ویجاړې کړې دي.

وزارت زیاته کړې چې د اوکراین په پلازمېنه کییف کې یې نظامي اهداف او د اودیسا په سویل لوېدیځه سیمه کې یې د بندر تاسیسات ویشتلي دي. د وزارت په وینا، د "یوژني" په بندر کې د اوکرایني ځواکونو د تېلو د زېرمو تاسیسات هم په نښه شوي دي.

بل خوا، د اوکراین پوځ ویلي چې ځواکونو یې د هیواد په شمال، سویل، ختیځ او مرکز کې ۷ توغندي او ۱۰۸ ډرون الوتکې راغورځولې دي.

اوکرایني بریدونه او د تېلو کمښت
د انرژۍ د مطالعاتو د اکسفورډ انسټیټیوټ د یو راپور له مخې، د روسیې د انرژۍ پر بنسټیزو تاسیساتو د اوکراین د ډرون بریدونو لړۍ د روسیې د تېلو د چاڼ کولو ۸۱ سلنه وړتیا ګډوډه کړې، چې ورسره په تېرو ۲۱ کلونو کې د تېلو د تولید کچه تر ټولو ټیټې کچې ته راغلې ده.

په ۲۰۲۶ کال کې اوکرایني ډرون الوتکو د روسیې له ۳۴ چاڼځایونو څخه ۲۴ په نښه کړي دي. د راپور له مخې، د جون تر نیمایي پورې د روسیې نږدې دریمه برخه د تېلو چاڼولو وړتیا له کاره لوېدلې وه.

پر روسي چاڼځایونو د بریدونو شدت مسکو اړ کړی چې د کورني بازار د ثبات لپاره وخت په وخت محدودیتونه ولګوي. د جولای تر لومړیو پورې، د تېلو کمښت د روسیې تر ۴۰ ډېرو سیمو ته غځېدلی، چې چارواکي یې پر خرڅلاو د محدودیتونو لګولو ته اړ کړي دي.

د روسیې ولسمشر ولادیمیر پوتین د یکشنبې په ورځ اعتراف وکړ چې د روسیې د انرژۍ پر بنسټونو د اوکراین بریدونو د تېلو له کمښت سره مرسته کړې، خو ټینګار یې وکړ چې وضعیت لا هم تر کنټرول لاندې دی.

 

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.