منځنی ختیځ
3 د لوستلو دقیقې
ملګري ملتونه: په غزه کې نږدې ۱.۷ میلیونه بې ځایه شوي فلسطینیان له ناورین سره مخ دي
ملګرو ملتونو خبرداری ورکړی چې نږدې ۱.۷ میلیونه بې ځایه شوي فلسطینیان، چې د غزې د نفوس شاوخوا ۸۰ سلنه جوړوي، په نږدې ۱۶۰۰ د کډوالو په پنډغالو کې په خورا ناوړه شرایطو کې ژوند کوي او د اوبو، سرپناه او بنسټیزو خدماتو له سخت کمښت سره مخ دي.
ملګري ملتونه: په غزه کې نږدې ۱.۷ میلیونه بې ځایه شوي فلسطینیان له ناورین سره مخ دي
ملګري ملتونه: په غزه کې نږدې ۱.۷ میلیونه بې ځایه شوي فلسطینیان له ناورین سره مخ دي

ملګري ملتونه وايي چې د غزې د نفوس لویه برخه په خورا خرابو شرایطو کې ژوند کوي.

ملګرو ملتونو خبرداری ورکړی چې نږدې ۱.۷ میلیونه بې ځایه شوي فلسطینیان، چې د غزې د نفوس شاوخوا ۸۰ سلنه جوړوي، په نږدې ۱۶۰۰ د کډوالو په پنډغالو کې په خورا ناوړه شرایطو کې ژوند کوي او د اوبو، سرپناه او بنسټیزو خدماتو له سخت کمښت سره مخ دي.

د ملګرو ملتونو ویاند سټیفن دوجاریک د بشري چارو د همغږۍ د دفتر (OCHA) په حواله د سه شنبې په ورځ یوې خبري غونډې ته وویل چې "د غزې په تړانګه کې د هاوانونو ډزې، بمبارۍ او هوايي بریدونه لا هم ملکي وګړو ته زیان رسوي."

هغه یادونه وکړه چې یونیسف په ټولنیزو رسنیو کې د یوې ۱۷ کلنې نجلۍ د وژل کیدو خبر ورکړی، چې د دې ادارې یوه مخکښه ځوانه (وه او په داسې حال کې ووژل شوه چې د لیسې (دولسم ټولګي) ازموینې ته پر لاره وه. دوجاریک وویل: "موږ یو ځل بیا ټینګار کوو چې د ماشومانو په ګډون باید د ملکي وګړو خوندیتوب تل وساتل شي."

هغه وویل چې د بې ځایه شویو سیمو نوې ارزونه ښیي چې لږترلږه ۵۹ زره سرپناوې داسې دي چې په هره یوه کې یې تر ۸ ډیر کسان اوسیږي، پداسې حال کې چې شاوخوا ۳۸,۵۰۰ کسان په پرانیستې فضا کې (بې له سرپناه) ویده کیږي.

دوجاریک زیاته کړه: "تخمینه کیږي چې په ارزول شویو سیمو کې ۶۰۰ زره کسان د څښاک پاکو اوبو ته کافي لاسرسی نلري." هغه دا هم وویل چې "نیمایي پنډغالي د اوبو ایستلو ښکاره سیسټم نلري او نږدې نیمایي یې د سرپناهونو ترمنځ د اور لګیدو له خطر سره مخ دي."

دوجاریک راپور ورکړ چې په ۸۰ سلنه سیمو کې موږکان ډیر شوي، او په نیمایي سیمو کې ازاد فاضلاب (چټلې اوبه) او راټول شوي کثافات موجود دي. هغه وویل: "په نږدې ۲۵۰ ځایونو کې، چې شاوخوا ۲۵۰ زره کسان پکې اوسیږي، د ناچاوده توکو (بمونو) د شتون پېښې راپور شوي دي."

د غزې د روغتیايي چارواکو په وینا، د ۲۰۲۵ کال د اکتوبر له ۱۰مې نیټې راهیسې چې اوربند نافذ شوی، د اسرائیلو په بریدونو کې لږترلږه ۱۰۲۷ کسان وژل شوي او ۳۲۸۰ نور ټپیان شوي دي.

دا اوربند د هغې دوه کلنې نسل وژونکې جګړې وروسته وشو چې اسرائیلو د ۲۰۲۳ کال په اکتوبر کې پیل کړې وه. په دې بریدونو کې له ۷۳ زرو ډیر فلسطینیان وژل شوي او له ۱۷۳ زرو ډیر ټپیان شوي دي، پداسې حال کې چې د غزې ۹۰ سلنه ملکي زیربناوې ویجاړې شوې دي. ملګري ملتونه د غزې د بیا رغونې لګښت شاوخوا ۷۰ ملیارده ډالره اټکلوي.

 

وپلټۍ
ټرمپ، شي جینپینګ او پوتین به په چین کې خپله لومړنۍ درې اړخیزه غونډه وکړي.
په استانبول کې د مشرانو تر لیدنې وروسته د تورکیې او قطر مهم دفاعي تړون لاسلیک کړ .
د مهمو خبرونو غورچاڼ
د جرمونو نړیوالې محکمې په افغانستان کې د ادعا شویو جرمونو په اړه د پلټنو  د تړولو امر کړی دی
د سولې بورډ د  ټرمپ د غزې د سولې پلان د «سمدستي او له نور ځنډ پرته» د پلي کېدو غوښتنه وکړه
د سولې د خبرو اترو د پراخېدو له هڅو سره هممهاله، روسیه او اوکراین په یو بل د بریدونو نه خبر ورکړی
د سعودي عربستان په مشرۍ ایتلاف د حوثي ملیشو بې پیلوټه الوتکه وویشتله.
د پاکستان په شمال کې د مسافرو یو بس سیند ته لوېدلی چې له امله یې ۱۱ کسان وژل شوي دي.
پاکستان په بلوچستان او خیبر پښتونخوا ایالتونو کې د امنیتي ځواکونو په عملیاتو کې ۷۴ وسله‌وال وژل شوي
په نړۍوالو بازارونو کې د دویمې اونۍ لپاره د تیلو بیې مخ په ټیټیدو دي
اردوغان: د COP31 سرمشریزې پر مهال د نړیوالو مشرانو ژمنتیا د پاریس اقلیمي تړون د پیاوړتیا نښه ده.
د امریکا په پلازمینه  واشنګټن ډي سي کې سپینې ماڼۍ ته نږدې وسله وال برید شوی.
روسیې له افغانستان کې یو زیات شمیر سوداګریز تړونونه لاسلیک کړل
د مهمو خبرونو غورچاڼ
یو لوړپوړی روسي پلاوی له طالبانو سره د سوداګرۍ او پانګونې په اړه د خبرو لپاره افغانستان ته رسیدلی دی