منځنی ختیځ
3 د لوستلو دقیقې
نتنیاهو اعتراف کړی چې د ټرمپ د ایران پر پالېسۍ د اغېز کولو لپاره نوره هیڅ وسیله نلري
د اسرائیلو رسنیو خبر ورکړی چې لومړي وزیر بنیامین نتنیاهو په پټو غونډو کې منلې چې نشي کولی د ایران په اړه د ډونالډ ټرمپ پر پرېکړو اغېز وکړي.
نتنیاهو اعتراف کړی چې د ټرمپ د ایران پر پالېسۍ د اغېز کولو لپاره نوره هیڅ وسیله نلري
نتنیاهو

نتنیاهو اعتراف کړی چې د ټرمپ پر ایران تګلارې د اغېز کولو لپاره "د حرکت ځای" نه لري

د اسرائیلو لومړي وزیر په پټو (محرمو) خبرو اترو کې منلې چې هغه د ایران په اړه د امریکا د ولسمشر ډونالډ ټرمپ پر دریځ د اغېز کولو په برخه کې له سختو ستونزو سره مخ دی.

د اسرائیلو رسنیو خبر ورکړی چې لومړي وزیر بنیامین نتنیاهو په پټو غونډو کې منلې چې نشي کولی د ایران په اړه د ډونالډ ټرمپ پر پرېکړو اغېز وکړي. دا خبرونه په داسې حال کې مخې ته راځي چې د واشنګټن او تهران ترمنځ مذاکرات پر ایران د جګړې د پای ته رسولو یوې هوکړې ته د نږدې کېدو په حال کې ښکاري.

د اسرائیلو ۱۳م چینل د هغو نامعلومو سیاسي سرچینو په حواله چې له موضوع خبر دي، ویلي چې نتنیاهو د حکومت په پټو بحثونو کې د امریکا او ایران ترمنځ د رامنځته کېدونکې هوکړې په اړه خپله اندېښنه څرګنده کړې ده. د راپور له مخې، نتنیاهو منلې چې اسرائیل اوسمهال د ټرمپ د پرېکړو د بدلولو لپاره "د مانور یا حرکت هیڅ ځای" نه لري.

د امنیتي کابینې غونډه

په راپور کې ویل شوي چې د اسرائیلو امنیتي کابینې د یکشنبې په ماښام خپلو غونډو ته دوام ورکړ، ځکه چې د هوکړې د نږدې کېدو په اړه راپورونه زیات شوي دي.

په ورته وخت کې، د اسرائیلو امنیتي ادارې په لوړ خبرتیا  کې دي. دوی اندېښنه لري چې دا هوکړه به ایران ته سیاسي خوندیتوب ورکړي، اقتصادي فشار به پرې کم کړي او د هغوی اټومي زیربناوې او نیابتي ډلې به پر خپل ځای پاتې شي.

د ۱۳م چینل د معلوماتو له مخې، په واشنګټن کې د اسرائیلو ډیپلوماټیکې هڅې د پخواني ستراتیژیکو چارو وزیر رون ډرمر لخوا رهبري کېږي، په داسې حال کې چې امریکا د ایران د بهرنیو چارو له وزیر عباس عراقچي سره خپلو خبرو ته دوام ورکوي.

دغه ټلوېزیون د اسرائیلي خامنه يي "یوازینی سرچینو په حواله دا هم ویلي چې د ایران ستر رهبر مجتبی شخصیت دی چې کولی شي دا هوکړه له خنډ سره مخ کړي."

راپور زیاتوي چې ټرمپ ته نږدې کسانو، په شمول د ځانګړي استازي سټیو ویټکوف او سلاکار جارډ کوشنر، پر هغه فشار راوړی چې هوکړه ژر تر ژره نهایي کړي.

تر دې وړاندې، د اسرائیلو دولتي رسنۍ 'کان' (KAN) ویلي وو چې نتنیاهو له ټرمپ سره تلیفوني خبرې کړي او د ایران د اټومي دوسیې په ځنډولو او په نوې هوکړه کې له ایران سره د لبنان د اوربند په تړلو یې خپله اندېښنه ورته ښودلې ده.

ټرمپ د شنبې په ورځ ویلي وو چې له ایران سره د جګړې د پای ته رسولو هوکړه "تر ډېره حده مذاکره شوې" او یوازې وروستي کېدو ته پاتې ده. دا پرمختګ تهران ته د پاکستان د پوځ د مشر جنرال عاصم منیر له سفر وروسته شوی دی. په هغه جګړه کې چې د فبرورۍ په ۲۸مه پیل شوې وه، لومړی اوربند د اپریل په ۸مه د پاکستان په منځګړیتوب شوی و.

 

وپلټۍ
په تورکیه کې د ملګرو ملتونو د اقلیمي بدلون سرمشریزه (COP31) پیل شوه.
د کابل د «بالا حصار» کلا دقیقه بیارغونه د افغانستان د دوه زره کلن تاریخ رازونه رابرسېره کوي
ټرمپ پر ایران د بیاځلي بریدونو په اړه شک څرګند کړ، په داسې حال کې چې روبیو د دې جګړې دفاع کوي
د چین په شمال کې د استوګنې په یوه ودانۍ کې د اورلګېدنې له امله ۱۴ کسان مړه شوي دي
په لسګونو زرو کسانو  هالنډ په  امسټرډام کې د اسرائیلو پر وړاندې د سختو اقداماتو په غوښتنه لاریون وکړ
د مهمو خبرونو غورچاڼ
په برازیل کې یوه جهیل ته د موټر لوېدو له امله د ماشومانو په ګډون ۱۰ تنو ژوند د لاسه ورکړی .
حوثي ملیشو د سعودي عربستان په یو مهم مالي مرکز برید وکړ.
ولسمشر اردوغان له ټرمپ سره ټيلیفوني خبرې وکړې
د اذربایجان ولسمشر علي یف د ولسمشر اردوغان نه په هوايي ډګر کې هر کلی وکړ.
اردوغان:هغه کسان چې د تورکیې او اذربایجان د ورورولۍ کمزوري کول غواړي،هېڅکله به خپلو موخو ته نایل نشي
د تورکیې بهرنیو چارو وزیر فیدان خبرداری ورکړ چې سمندري دهلیزونه د جګړې په ډګرونو بدلېدای شي.
د ملګرو ملتونو د مشرۍ لپاره د تورکيې نوماند فریدون سینیرلي اوغلو  خپل پلان په ډاګه کړ
روسيې د کیف ترڅنګ د انرژۍ تاسیسات په نښه کړي او یو مهم پل یې زیانمن کړی
د خبرو اترو لسیزه: د ټي آر ټي (TRT) نړیوال فورم ۲۰۲۶ په استانبول کې پیل شو