نړۍ
3 د لوستلو دقیقې
روبیو د ایران سره د جګړې د پایته رسولو هیله وښوده
د امریکا د بهرنیو چارو وزیر مارکو روبیو د امریکا او اسرائیلو د ایران پر وړاندې د جګړې د پای ته رسولو هیله ښودلې ده، پداسې حال کې چې د منځګړي پاکستان د پوځ مشر د خبرو اترو لپاره تهران ته روان دی.
روبیو د ایران سره د جګړې د پایته رسولو هیله وښوده
روبیو د ایران سره د جګړې د پایته رسولو هیله وښوده

د امریکا د بهرنیو چارو وزیر مارکو روبیو وایي چې د اسلام آباد له خوا له منځګړیتوب سره "ځینې ښې نښې" شته، او هیله یې ښودلې چې د عاصم منیر د تهران سفر به خبرو اترو ته نور هم وده ورکړي.

د امریکا د بهرنیو چارو وزیر مارکو روبیو د امریکا او اسرائیلو د ایران پر وړاندې د جګړې د پای ته رسولو هیله ښودلې ده، پداسې حال کې چې د منځګړي پاکستان د پوځ مشر د خبرو اترو لپاره تهران ته روان دی.

تمه کیږي چې د پاکستان د پوځ مشر عاصم منیر په نږدې کې ایران ته سفر وکړي. دا سفر وروسته  له هغه کیږي چې د امریکا ولسمشر ډونالډ ټرامپ خبرداری ورکړ چې د جګړې د پایته رسولو خبرې اترې د یوې معاملې او د بیا پیلیدونکو برید تر منځ "پر پوله" ولاړې دي.

روبیو د پنجشنبې پر ورځ خبریالانو ته وویل: "زه باور لرم چې پاکستانیان به نن تهران ته سفر وکړي. نو هیله ده چې دا به خبرې اترې نور هم پر مخ بوځي."

هغه زیاته کړه: "ځینې ښې نښې شته دي. زه نه غواړم ډیر خوشبین وم... نو راځئ وګورو چې راتلونکو ورځو کې به څه پیښیږي."

د اسلام آباد له منځګړیتوب سره د اپریل د میاشتې د ۸مې نیټې اوربند د هغې جګړې مخه ونیوله چې د امریکا او اسرائیلو له خوا پیل شوې وه، خو د سولې د دایمي تړون لپاره خبرې اترې تر اوسه پایلې نه دي ورکړي.

د پنجشنبې پر ورځ د ایران د ISNA خبري اژانس وویل چې د منیر سفر د ایراني چارواکو سره "د خبرو اترو او مشورو" موخه لري، خو جزئیات یې نه دي ورکړي.

پاکستان د اپریل میاشت کې هغه یواځینۍ مستقیمو خبرو کوربه وو چې له فبروري ۲۸مې نیټې، د جګړې د پیل ورځې، وروسته د امریکا او ایران ترمنځ ترسره شوې.

منیر د هغو خبرو اترو پر مهال مرکزي رول ولوبوه چې دواړه پلاوو ته یې د رارسیدو پر مهال ښه راغلاست ووایه او د امریکا مرستیال ولسمشر جي ډي وانس سره یې د اشنایۍ ښه چلند وښود.

خو خبرې اترې پرته د کومې نتیجې پایته ورسیدې، او ایران امریکا پر "ډیرو غوښتنو" تورن کړه.

له هغه وروسته، دواړو خواوو ډیر وړاندیزونه سره تبادله کړي دي.

ټرامپ د چهارشنبې پر ورځ خبریالانو ته وویل: "باور وکړئ، اوربند پر پوله دی. که چیرې سم ځوابونه ترلاسه نه کړو، ډیر ژر به عمل وکړو. موږ ټول چمتو یو."

هغه وویل چې کیدای شي  "ډیره ژر" یا "د ورو ورو ورځو کې" یوه معامله ترسره شي، خو خبرداری یې ورکړ چې تهران باید "سل سلنه سم ځوابونه" ورکړي.

وپلټۍ
ټرمپ، شي جینپینګ او پوتین به په چین کې خپله لومړنۍ درې اړخیزه غونډه وکړي.
په استانبول کې د مشرانو تر لیدنې وروسته د تورکیې او قطر مهم دفاعي تړون لاسلیک کړ .
د مهمو خبرونو غورچاڼ
د جرمونو نړیوالې محکمې په افغانستان کې د ادعا شویو جرمونو په اړه د پلټنو  د تړولو امر کړی دی
د سولې بورډ د  ټرمپ د غزې د سولې پلان د «سمدستي او له نور ځنډ پرته» د پلي کېدو غوښتنه وکړه
د سولې د خبرو اترو د پراخېدو له هڅو سره هممهاله، روسیه او اوکراین په یو بل د بریدونو نه خبر ورکړی
د سعودي عربستان په مشرۍ ایتلاف د حوثي ملیشو بې پیلوټه الوتکه وویشتله.
د پاکستان په شمال کې د مسافرو یو بس سیند ته لوېدلی چې له امله یې ۱۱ کسان وژل شوي دي.
پاکستان په بلوچستان او خیبر پښتونخوا ایالتونو کې د امنیتي ځواکونو په عملیاتو کې ۷۴ وسله‌وال وژل شوي
په نړۍوالو بازارونو کې د دویمې اونۍ لپاره د تیلو بیې مخ په ټیټیدو دي
اردوغان: د COP31 سرمشریزې پر مهال د نړیوالو مشرانو ژمنتیا د پاریس اقلیمي تړون د پیاوړتیا نښه ده.
د امریکا په پلازمینه  واشنګټن ډي سي کې سپینې ماڼۍ ته نږدې وسله وال برید شوی.
روسیې له افغانستان کې یو زیات شمیر سوداګریز تړونونه لاسلیک کړل
د مهمو خبرونو غورچاڼ
یو لوړپوړی روسي پلاوی له طالبانو سره د سوداګرۍ او پانګونې په اړه د خبرو لپاره افغانستان ته رسیدلی دی