نړۍ
2 د لوستلو دقیقې
د امریکا د هوايي ځواکونو اړوند یوې (بي ۵۲ ) بم غورځوونکې الوتکې سقوط وکړ.
په کلیفورنیا کې د امریکا د هوايي ځواک یوه B-52 بم غورځوونکې الوتکه سقوط کړی او په الوتکه کې سپرو  ټول ۸ کسانو ژوند د لاسه ورکړی دی.
د امریکا د هوايي ځواکونو اړوند یوې (بي ۵۲ ) بم غورځوونکې الوتکې سقوط وکړ.
د امریکا د هوايي ځواکونو اړوند یوې (بي ۵۲ ) بم غورځوونکې الوتکې سقوط وکړ.
 


د امریکا د هوايي ځواک یوه الوتکه د اډوارډز (Edwards) هوايي اډې څخه له الوتنې لږ وروسته يي سقوط وکړ.

د متحده ایالاتو د هوايي ځواک یوه B-52 سټراټوفورټریس (Stratofortress) ډوله الوتکه د کلیفورنیا ایالت په اډوارډز هوايي اډه کې له الوتنې لږ وروسته سقوط شوه چې په پایله کې یې ۸ تنو ژوند د لاسه ورکړی دی.

د اډوارډز هوايي اډې ویلي چې دغه سټراټیژیکه بم غورځوونکې الوتکه د غرمې مخکې په ۱۱:۲۰ دقیقو د یوې "عادي ازمایښتي دندې" لپاره له الوتنې لږ وروسته وغورځېده.

په اډه کې د ۴۱۲مې ازمایښتي څانګې مرستیال قومندان، ډګرمن جیمز هیز په یوه خبري کنفرانس کې دا پېښه یوه "ویرونکې تراژیدي" وبلله. هیز وویل: "موږ ۸ عالي امریکایان له لاسه ورکړل،" هغه یادونه وکړه چې په عمله کې نظامي پرسونل، حکومتي ملکي کارکوونکي او خصوصي قراردادیان شامل وو.

بوینګ شرکت، چې دغه امریکایي الوتکه یې ډیزاین او جوړه کړې، تایید کړه چې دوه کارکوونکي یې په وژل شویو کې شامل دي. دغه شرکت د ټولو اتو تنو د کورنیو سره خپله "ژوره خواخوږي" وښوده او ژمنه یې وکړه چې له هغوی سره به خپلو مرستو ته دوام ورکړي.

د چارواکو په وینا، الوتکه د کلیفورنیا په کرن کاونټي (Kern County) سیمه کې لوېدلې ده. تر دې وړاندې، هوايي اډې د تړل کېدو اعلان وکړ او ټولې راروانې الوتکې نورو ځایونو ته وګرځول شوې.

پنټاګون د نورو جزیاتو مخه نیولې
د اډوارډز هوايي اډې او په پنټاګون کې د هوايي ځواک مرکزي دفتر پوښتنو ته په اشارې سره یوازې لومړنۍ خبرپاڼه تایید کړه او د نورو جزیاتو له ورکولو یې ډډه وکړه. اډې زیاته کړه: "نور معلومات به د ترلاسه کېدو سره سم شریک شي."

B-52 الوتکه معمولاً پنځه تنه عمله لري، چې په کې دوه پیلوټان، یو د رادار نیویګیټر، یو نیویګیټر او د بریښنایی جګړې افسر شامل وي، مګر په دې ځانګړې الوتنه کې اته تنه سپاره وو.

دا الوتکه د امریکا د هوايي ځواک په ذخیره کې له پاتې ۷۶ دغه ډول الوتکو څخه یوه ده. تمه کېږي چې دغه الوتکې به د عصري کولو له پراخو پروګرامونو وروسته تر لسیزو پورې په خدمت کې پاتې شي.

دغه اټومي وړتیا لرونکې بم غورځوونکې الوتکه په لومړي ځل په ۱۹۵۰ لسیزه کې خدمت ته داخله شوه او لا هم د متحده ایالاتو د سټراټیژیکو بم غورځوونکو ځواکونو یوه اصلي برخه ده.

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.