نړۍ
3 د لوستلو دقیقې
امریکا افغان کډوالو ته امر کړی چې له دې هېواده ووځي که نه په اجباري توګه به اخراج شي
د ټرمپ ادارې هغو افغان کډوالو ته چې د ۲۰۲۱ کال د طالبانو د واکمنۍ وروسته امریکا ته راغلي دي، امر کړی چې په یوه اونۍ کې دې له امریکا څخه ووځي، که نه نو د اجباري ایستلو او نورو قانوني سزاګانو سره به مخ شي.
امریکا افغان کډوالو ته امر کړی چې له دې هېواده ووځي که نه په اجباري توګه به اخراج شي
US orders Afghan refugees to leave country or face deportation / AP
 

د امریکا د کورني امنیت وزارت د شمالي کارولینا ایالت کې مېشتو افغان کډوالو ته ایمیلونه استولي او هغوی ته یې ویلي چې په اوو ورځو کې دا هېواد پرېږدي، که نه نو د اجباري ایستلو او قانوني مجازاتو سره به مخ شي. دا راپور د نیوزویک مجلې لخوا خپور شوی دی.

تېر کال د ولسمشرۍ لپاره د کمپاین پر مهال، ډونلډ ټرمپ ژمنه کړې وه چې د هغو مهاجرینو پر وړاندې به سخت دریځ خپلوي چې مجرمین وي، نه هغه کسان چې د امریکا سره په یوه خطرناکه او وېشونکې جګړه کې مرسته کړې وي.

د ۲۰۲۱ کال د افغانستان څخه د امریکا د پوځ د وتلو وروسته، ډېرو هغو افغانانو ته چې د امریکایي ځواکونو سره یې مرسته کړې وه، د بشري ، ځانګړو مهاجرتي ویزو  یا د لنډمهاله خوندي وضعیت  لاندې امریکا ته د ننوتلو اجازه ورکړل شوه.

ډېرو افغانانو د امریکایي ځواکونو سره په ژباړه، د سیمه ییزو قبایلو سره په اړیکو، استخباراتي معلوماتو راټولولو، او د طالبانو له بریدونو څخه د ژغورنې په برخو کې مرسته کړې وه. کله چې امریکا د افغانستان څخه د وتلو تیاری کاوه، چې د ۲۰۲۰ کال د فبرورۍ په میاشت کې د ټرمپ ادارې په لومړي ځل د یوې موافقې له مخې پرېکړه کړې وه، ډېرو سیمه ییزو متحدینو ته د امریکا د بیا مېشتېدو ژمنه ورکړل شوې وه، ځکه که هغوی د طالبانو لاس ته ورشي، نو د مرګ له خطر سره به مخ شي.

خو د ټرمپ ادارې په دویمه دوره کې اوس هڅه کوي چې د زرګونو افغان اتباعو لپاره د خوندیتوب دا پروګرام پای ته ورسوي، چې دا به هغوی د طالبانو تر واک لاندې افغانستان ته د ایستلو لامل شي.

یوه افغان کډوال  چې د نوم د اخیستو نه ډډه کوله، د WRAL سیمه ییزې رسنۍ ته ویلي: "که موږ بېرته افغانستان ته لاړ شو، موږ خوندي نه یو. دا داسې ده لکه موږ چې د ځان لپاره د ځان وژنې ماموریت لاسلیک کړو."

د امریکا د کانګرس د معلوماتو له مخې، د ۲۰۲۱ کال د اګست څخه تر ۲۰۲۴ کال د اګست پورې نږدې ۱۵۰,۰۰۰ افغانان په امریکا کې بیا مېشت شوي، چې پکې کورنۍ هم شاملې دي. د جبري ایستلو د پلانونو مخالفین دا غیر انساني ګڼي چې د امریکا وفادار متحدین په داسې بې احترامۍ سره چلند وکړي، او زیاتوي چې که هغوی وشړل شي، نو امریکا به په راتلونکو نړیوالو شخړو کې د سیمه ییزو ملاتړ کوونکو د جذبولو لپاره ډېرې ستونزې ولري.

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.