د امریکا ولسمشر ټرمپ یو ځل بیا په ایلون ماسک د نیوکې سره وویل، که چیرې دولتي سبسایډې نوي کیدای شي مسک خپل دوکان وتړي او بیرته سویلي افریقا ته ستون شي.
د امریکا ولسمشر ډونالډ ټرمپ د سې شنبې په ورځ یو ځل بیا په خپل پخواني همکار ایلون ماسک باندې د نیوکې سره وویل، هغه د حکومتي مرستو سره په خپو ولاړ دی. که چیرې دا حکومتي مرستې نوي هغه کیدای شي چې خپل دوکان وتړي او بیرته هغه ځایته ستون شي چې ترینه راغلی دی. ټرمپ وروسته له هغې چې د ټیکنالوژۍ دغه میلیاردر د ولسمشر د لګښتونو د قانون په اړه خپله نیوکه تازه کړه پر هغه نیوکه وکړه.
ټرمپ په ټولنیزو رسنیو کې وویل: "ایلون ښایي د تاریخ په اوږدو کې تر ټولو زیاتې مرستې ترلاسه کړې وي، په ډېر توپیر سره."
هغه زیاته کړه: "او که دا مرستې نه وای، نو ایلون به شاید خپل کاروبار بند کړی وای او بېرته سویلي افریقا ته تللی وای."
ماسک، چې د دې میاشتې په پیل کې د ولسمشر سره د قانون په اړه عامه شخړه وکړه، خپلې نیوکې بیا تازه کړې او د نوې سیاسي ګوند د جوړولو غوښتنه یې وکړه، په داسې حال کې چې د رایې ورکولو بهیر پیل شوی و.
ټرمپ په ځواب کې وړاندیز وکړ چې د هغه د حکومت د موثریت څانګه چې ماسک یې مشري کوله مخکې له دې چې د می په وروستیو کې استعفا ورکړي د سپیس ایکس د بنسټګر سوداګریزو ګټو ته توجه کوله.
ټرمپ وویل: "نه نور راکټ توغول، سپوږمکۍ توغول، او برقي موټرو تولید به ترسره نشي، او زموږ هېواد به ډېرې پیسې وسپموي." هغه زیاته کړه: "شاید موږ باید د حکومت موثریت ځانګې ته ووایو چې دې ته ښه، جدي نظر وکړي؟ ډېرې پیسې سپمولی شو!!!"
‘یو لوی ښکلی قانون’
ټرمپ هیله لري چې د "یو لوی ښکلي قانون" په مرسته خپل میراث خوندي کړي، چې د هغه د لومړي دورې د مالیې د کمښت قانون به د ۴.۵ ټریلیونه ډالرو لپاره وغځوي او د سرحدي امنیت پیاوړتیا به وکړي.
خو د ۲۰۲۶ د منځنۍ دورې د کانګریس ټاکنو ته په تمه جمهوري غوښتونکي د دې قانون په اړه ویشلي دي، چې د امریکا د تر ټولو بې وزله خلکو څخه به روغتیایي خدمات واخلي او د هېواد پور به له ۳ ټریلیونه ډالرو څخه زیات کړي.
کله چې د دوشنبې په ورځ د دې قانون په اړه د رایې ورکولو بهیر پیل شو، ماسک چې د نړۍ یو له شتمنو کسانو څخه دی پر جمهوري غوښتونکو تور ولګاوه چې د "پور غلامۍ" ملاتړ کوي.
هغه د سې شنبې په ورځ په ټولنیزو رسنیو کې وویل: "زه یوازې دا غواړم چې امریکا د دیوالي کېدو څخه وژغورو. د پور د حد ټاکلو څه ګټه ده که موږ یې بیا بیا لوړوو؟"
ماسک ژمنه کړې چې یو نوی سیاسي ګوند به پیل کړي ترڅو هغه قانون جوړونکي ننګوي چې د فدرالي لګښتونو د کمولو په اړه یې کمپاین کړی و، خو د دې قانون لپاره یې رایه ورکړه.
هغه وویل د خلکو غږ د خدای غږ دی .۸۰ سلنه خلکو د نوي ګوند لپاره رایه ورکړه."
