د تورکیې ولسمشر رجب طیب اردوغان د جمعې په ورځ وویل چې نړیوال تړونونه په زیاتیدونکې توګه له پامه غورځول کیږي او د نړیوالو محکمو پرېکړې نه عملي کېږي.
اردوغان په استانبول کې د عدالت په نړیواله غونډه کې وویل: "نړیوالو تړونونو خپل اغیزمنتوب له لاسه ورکړی دی. په ورته ډول، د نړیوالو محکمو لخوا صادرې شوې پرېکړې نورې نه پلي کیږي."
اردوغان پر اوسني نړیوال نظام نیوکه وکړه او ویې ویل، که د ملګرو ملتونو نظام د نړیوالې ټولنې اراده منعکس نه کړي، نو «مشروع او عادلانه» نشي ګڼل کېدای.
هغه غزې ته په اشارې سره وویل چې دا سیمه د "متکبر، وینې تږي نسل وژنې شبکې" لخوا چې ځان د نړیوال قانون څخه پورته ګڼي "د نړۍ ترټولو لوی تمرکز کمپ" ته اړول شوې ده.
