هغه ژمنه وکړه چې په دې برخه کې به د پیاوړې ارادې او جذبې سره پرمختګ ته دوام ورکړي.

اردوغان د راتلونکي په اړه ډاډ څرګند کړ او زیاته یې کړه: "د ټیکنوفیسټ ځوانانو، په شمالي قبرس کې د سترو  پروژو، او زموږ د ستراتیژیکو نوښتونو سره، موږ به دلته د پېړیو لپاره پاتې شو."

هغه وویل "موږ،  تورک  ملت او د قبرس تورکان، د دې ځمکو کوربه یو. هغه څوک چې پدې نه پوهېږي باید پوه شي، او هغه څوک چې دا يي نه دي اورېدلي باید واوري." اردوغان د شمالي قبرس د ترک جمهوریت  سره د تورکیې قوي اړیکې بیا تایید کړې.

د شمالي قبرس ولسمشر ارسین تاتار هم د تورکیې د دفاعي صنعت لاسته راوړنې وستایلې او ویې ویل: "هغه بنسټونه چې د تورکیې د ملي دفاعي صنعت وروستیو بریاوو تر شا دي، د ټول ترک نړۍ لپاره د ویاړ یادګارونه دي."

د تورکیې د ټکنالوژۍ، هوايي چلند، او فضا تر ټولو لویه پېښه، ټیکنوفیسټ، په شمالي قبرس کې خپله وروستۍ نسخه ترسره کړه او په لیفکوشا کې یې زرګونه خلک راجلب کړل، چې د څلور ورځني جشن په لومړۍ ورځ شاوخوا ۶۲ زره لیدونکي کوربه وو.

دا پېښه د تورکیې د ټکنالوژۍ ټیم (T3) بنسټ او د تورکیې د صنعت او ټکنالوژۍ وزارت لخوا تنظیم شوې وه، چې له ۲۰۱۸ کال راهیسې هر کال د دولتي ادارو، خصوصي سکتور شریکانو، او پوهنتونونو په ملاتړ ترسره کېږي.

پداسې حال کې چې دا پېښه په دودیز ډول په جفت کلونو کې د تورکیې په بېلابېلو ښارونو او په طاق کلونو کې په استانبول کې ترسره کېږي، شمالي قبرس د اذربایجان وروسته دوهم نړیوال کوربه شو، چې د ټیکنوفیسټ د لسم فیستیوال  کوربه وه.

په ۲۰۲۴ کال کې، د تورکیې  د ادانا ښار کې ترسره شوی وو چې  شاوخوا ۱.۱ میلیونه لیدونکي راجلب کړي وو.